Татковците се посреќни кога поминуваат време и комуницираат со своите деца. Тие исто така се помалку изложени на стрес кога се во прашање децата. Ова се заклучоците од истражувањето спроведено од група научници за да истражат како се чувствуваат родителите кога станува збор за одгледување на децата.
Студијата покажала дека родителството е предизвикувачка и родова условена одговорност, при што татковците доживуваат повеќе емоционални награди, како што се поголема среќа, пониско ниво на стрес и помалку замор од мајките, пишува „Psychology Today“.
Татковците генерално се посреќни во нивната родителска улога од жените, а истражувањата сугерираат дека можеби се повнимателни кон своите ќерки отколку кон своите синови. Всушност, студиите покажуваат дека татковците често користат различен стил на комуникација кога разговараат со своите ќерки, па дури и повеќе пеат со нив отколку со своите синови
Според истражувањето, татковците имаат повисоко ниво на задоволство од животот и се чувствуваат поповрзани со своите деца отколку мајките. Покрај тоа, татковците пријавуваат пониски нивоа на депресија од мажите кои немаат деца. Од друга страна, симптомите на депресија се почести кај жените со деца отколку кај оние без деца.
На односот помеѓу грижата за децата и среќата значително влијаел полот. Мажите доживеале поголема среќа додека се грижеле за своите деца, додека жените доживеале пониски нивоа на среќа во истата ситуација.
Според истражувањето, татковците доживеале поголеми емоционални награди. Се чувствувале посреќни и биле помалку под стрес бидејќи поминувале повеќе време правејќи забавни работи со своите деца и морале да се соочуваат со помалку стресни ситуации во родителството.
Татковците генерално се посреќни во нивната родителска улога од жените, а истражувањата сугерираат дека можеби се повнимателни кон своите ќерки отколку кон своите синови. Всушност, студиите покажуваат дека татковците често користат различен стил на комуникација кога разговараат со своите ќерки, па дури и повеќе пеат со нив отколку со своите синови.
