Истражувачи од Универзитетот Рутгерс осмислиле тест за мали деца кој би можел да помогне да утврдите дали вашето дете има аутизам уште на двегодишна возраст. Овој едноставен тест го нарекле “Прашалник за психолошки развој“ и се состои од 10 едноставни прашања. Тој може да ви помогне во проценката на тоа како детето коминицира со другите.
Доколку на следниве прашања главно одговорите се “не“, вашето дете има големи шанси да е во спектарот на аутизам:
Дали вашето дете…
- Може да покаже интерес или да привлече внимание со гестови или движења?
- Има необични или променливи одговори на звук (ви се чини дека не слуша или е пречувствително и претерано реагира)?
- Се насмевнува или остварува редовен контакт со очи со другите?
- Одговара на името кога го викате?
- Покажува интерес за други деца при играње?
- Ужива во игрите “криење на лицето со дланки“ или “дај пет“?
- Се поврзува со другите со гестикулација, зборување или промена на изразот:
- Користи 3 или повеќе зборови редовно и на соодветен начин?
- Зборува во фрази (на пример: сакам вода, дојди мама)?
- Се смее кога и другите се смеат?
“Нашиот тим беше поттикнат да го развие овој прашалник за психолошки развој бидејќи многу родители на аутистични деца рекоа дека жалат што нивната рана загриженост за развојот на нивните деца не довела до побрзо откривање на дијагнозата и интервенција“, објаснуват креаторите на овој тест.
Иако ефикасна дијагноза може да се постави само преку сеопфатна проценка од професионалци, прашалникот е добар прв чекор за скрининг на децата кои имаат аутизам.
