Времето на адолесценција е многу чувствителен период од развојот, а на вашиот тинејџер, социјалните контактни му се многу важни. Поради тоа, најголемите незадоволства и фрустрации што ги носи дома се кријат во односите со врсниците. Во текот на адолесценцијата се создава независност, се формира сликата за себеси, која, за жал, во голема мера зависи од тоа како не гледаат другите. Еве на какви се конфликти наидуваат тинејџерите и како тие влијаат на нивната емотивна состојба.
ОЗБОРУВАЊА
Ако вашиот тинејџер е предмет на озборувања од неговите врсници, тоа влијае на неговата самодоверба и слика за себе, тој чувствува несигурност во друштвото, па по некое време може да почне да се повлекува во себе и да избегнува контакти. Исто така, ако еднаш престане да биде предмет на озборувања, за да биде прифатен, самиот тинејџер се приклонува кон оние кои шират озборувања за другите, заборавајќи дека некогаш и самиот бил жртва, среќен што моментално не е на “списокот на озборувања“. Но, оние кои озборуваат кога-тогаш доаѓаат на глас на несигурните пријатели, па со детето треба искрено да се разговара за тоа дека не е само тоа повредено кога за него грдо се зборува, туку на ист начин и тоа повредува друга личност со ширење грди гласини за неа.
Разговорот со вас ќе му помогне да ги артикулира своите чувства и мисли и со ваша помош да смисли начин како да се справи со проблемот.
ТЕПАЧКИ
Многу тинејџери својата лутина кон другите ја решаваат со туркање или со удирање. Адолесцент може да научки како да управува со своите емоции во ваков вид на конфликт низ препознавање на тригерот за бесот. Тригер може да биде ако некој го исмејува поради изгледот, или затоа што добива лоши оценки. Ако тинејџерите научат како да ги препознаат тригерите кои предизвикуваат желба за физички конфликт, можеби ќе може да избегне такви ситуации.
КОНФЛИКТ ПОМЕЃУ РОДИТЕЛИТЕ И ДЕЦАТА
Како децата стануваат независни, доаѓа и до конфликти со родителите. Како родител, треба да научите да го контролирате конфликтот, за да не дојде до претерани реакции. Избегнувањето на борбата за моќ со тинејџер, ќе ви помогне во контрола на конфликтите кои ќе се појават. Доколку ситуацијата ексалира, бидете глас на разумот и прво предложете смирување на тензијата, па потоа разговарајте.
САЈБЕРБУЛИНГ (CYBERBULLYING)
Сајбербулинг е малтретирање и вознемирување со користење на технологијата, Вклучува тролинг, мобинг, демнење или било која форма на злоставување на интернет. Сајбербулингот е оогромен пораст, загрижените родители и деца пријавуваат се повеќе вакви случаи. Се случува да за некој ученик на социјалните мрежи се шират невистини и дискредитирачки информации. Се пласираат како вистинити и кога еднаш ќе се објават, тешко може да се демантираат.
Податоците покажуваат дека речиси една третина од средношколците, во период од само еден месец, биле на мета на сајбербулинг, што е поразувачки податок. Младите, кои сами по себе, се ранливи и несигурни, уште повеќе ја губат самодовербата, а евентуалното јавно исмејување и засрамување, може да заврши и трагично.
Следете ги промените во однесувањето на децата и пронајдете начин да ги проверите профилите на социјалните мрежи на вашите деца и ако е потребно, дејствувајте.
Светот на адолесцентите се врти околу нивните друштва и пријатели, па потенцијалното отфрлање од средината од која се емотивно и социолошки зависни, за нив е исклучително драматично, а вие како родител треба тоа сериозно да го сфатите. Нивните проблеми можеби ви изгледаат смешни, но запомнете дека и вие сте биле тинејџер и потсетете се колку се тие чувствителни години, а вашето дете е ранливо.
