Кога станува збор за здравјето на децата, секој родител го посакува најдоброто. Исхраната има клучна улога во обликувањето на нивната иднина. Правилниот избор на храна може да спречи многу болести на кои детето би можело да биде изложено подоцна во животот.
Несомнено, родителите вложуваат напори да обезбедат здрава и хранлива исхрана за своите деца. Сепак, некои намирници што ги сметаме за безопасни, па дури и здрави, можат тивко да работат против таа намера. Некои „невини“ задоволства, сокриени зад шарени пакувања и привлечен маркетинг, всушност, може сериозно да го загрозат здравјето на детето.
Во продолжение ви претставуваме пет намирници кои, иако често се дел од детската трпеза, можеби тивко му штетат на здравјето на вашето дете.
- Житарки за појадок и засладени пијалаци
Да, житарките за појадок се практични, особено кога имате густ распоред. Но, дали таа практичност е на сметка на здравјето на вашето дете? Шарените и засладени житарки прават повеќе штета отколку корист. Само една порција од некои житарки содржи повеќе шеќер отколку десерт, што придонесува за зголемување на телесната тежина и нагли падови на енергијата. Дополнително, вештачките бои негативно влијаат на здравјето на цревната флора.
Децата сакаат сè што е пржено, но сите тие пржени парчиња, помфрит и стапчиња моцарела не се добри за нивното целокупно здравје. Овие пржени парчиња често содржат трансмасти, кои го зголемуваат нивото на лош холестерол и го зголемуваат ризикот од срцеви заболувања, дури и кај децата. Пржењето ја прави храната богата со калории, а ја намалува нејзината хранлива вредност
Засладените пијалаци, пак, не се ништо друго освен празни калории. Газирани пијалаци и пијалаци со вештачки засладувачи немаат никаква нутритивна вредност.
Со мали промени, како заменување на комерцијалните житарки со житарки со цели зрна, може да се направи голема разлика. Наместо засладени пијалаци, охрабрете ги децата да пијат домашна лимонада.
- Овошни јогурти
Јогуртите денес доживуваат ренесанса. Од фитнес-инфлуенсери до велнес-гуруа – сите зборуваат за нивните здравствени придобивки. Но, јогуртите со вкус, иако често се рекламираат како здрави поради содржината на протеини, честопати содржат неочекувани „додатоци“ – шеќери и вештачки бои. Бидејќи се претставени како здрав избор, родителите честопати им даваат на децата поголеми количини од препорачаното. Прекумерниот внес на шеќер кај децата е поврзан со дебелина, дијабетес тип 2 и проблеми со забите.
Наместо зашеќерени јогурти со вкус, одлучете се за обичен незасладен грчки јогурт. За да додадете малку блажина, користете мед и многу бобинки.
- Пуканки за микробранова печка
Сите сакаме пуканки. И децата уживаат во нив. Но, овие пакувани пуканки содржат многу повеќе од само пченка. Тие содржат супстанции што можат да предизвикаат хаос во телото. Многу брендови содржат пер- и полифлуороалкилни супстанции (PFAS), познати и како „хемикалии засекогаш“, во слоевите на нивните кеси. Студиите ги поврзаа PFAS со развојни проблеми и оштетување на имунолошкиот систем.
Исто така, вкус на путер на пуканките доаѓа од хемикалии за ароматизација како што се диацетил и неговата замена, 2,3-пентандион (ацетил пропионил). Овие хемикалии се опасни по здравјето. Тие можат да предизвикаат респираторни проблеми кога се вдишуваат во големи количини.
Тоа не значи дека треба целосно да ги избегнувате пуканките. Наместо готови производи, купете органски пченкарни зрна и подгответе ги дома. Ќе ви одземе малку повеќе време, но ќе ги избегнете сите ризици по здравјето.
- Преработено месо
Преработеното месо не е здрав избор ниту за возрасните, а камоли за децата. Хот-дог, колбаси и сувомесни производи често се дел од детските „ланч-пакети“. Но, тие се преполни со додатоци како натриум, нитрати и конзерванси. Светската здравствена организација (СЗО) ги класифицираше преработените меса како канцерогени од група 1. Нивното редовно консумирање е поврзано со ризик од рак на дебелото црево. Високото ниво на натриум, исто така, претставува ризик за пораст на крвниот притисок кај децата.
Заменете го преработеното месо со свежи опции како пилешко на скара или протеини од растително потекло.
- Пржена храна
Децата навистина сакаат сè што е пржено. Сепак, сите тие пржени парчиња месо, помфрит и стапчиња моцарела не се добри за нивното целокупно здравје. Овие пржени парчиња често содржат трансмасти, кои го зголемуваат нивото на лош холестерол и го зголемуваат ризикот од срцеви заболувања, дури и кај децата. Пржењето ја прави храната богата со калории, а ја намалува нејзината хранлива вредност. Меѓу другото, купените пилешки парчиња, помфритот и другите слични готови закуски имаат адитиви.
Ако децата сакаат пржена храна, обидете се да ја подготвите дома – печена во рерна, со свежи состојки.
