Пријателствата имаат големо влијание во текот на целиот наш животен циклус, но тие се особено важни во детството и адолесценцијата. Пријателите не следат додека растеме и имаат важно влијание врз развојот на нашата самодоверба и на начинот на кој го гледаме светот. Поради оваа причина, многу родители може да дојдат во искушение да ги избираат пријателите на своите деца за да ги поштедат од можни страдања.
Погрешните пријатели во училишните години можат да им наштетат на децата и младите. Ова се знаците кои ќе ви помогнат да ги препознаете токсичните пријателства меѓу децата.
Најдобриот пријател е личност од доверба која ве прифаќа со сите ваши силни и слаби страни. Ако детето не му верува на својот пријател и не се чувствува удобно покрај него, веројатно се работи за нездраво пријателство
Притисок од врсниците
Ако вашето дете е постојано загрижено што ќе мислат неговите пријатели за неговата облека или за што било друго, тоа е знак за можен притисок од врсниците, што се смета за знак на токсично пријателство.
Недостаток на соработка
Пријателството бара разбирање. Ако вашето дете има пријатели кои се обидуваат да го надвладеат во одлуките, пријателскиот однос не е најздрав.
Непочитување
Непочитувањето нема место во ниту една врска, па ниту во пријателската. Помогнете му на вашето дете да разбере дека почитувањето на другите е најважно.
Непостоење на граници
На секој му треба време за себе. Ако пријателите на вашето дете постојано го бараат неговото внимание и не ги почитуваат границите, тие се токсични.
Љубомора
Љубомората може да биде токсична. Кога детето не сака да ги дели пријателите со други, работите може да тргнат наопаку.
Недоверба
Најдобриот пријател е личност од доверба која ве прифаќа со сите ваши силни и слаби страни. Ако детето не му верува на својот пријател и не се чувствува удобно покрај него, веројатно се работи за нездраво пријателство.
Премногу озборувања
Озборувањето меѓу пријателите е добро, но кога ќе прерасне во осудување на другите или е претерано, тоа е токсично.
