Заминувањето во странство на подолго време или трајното преселување не е лесен чекор, особено за семејствата со деца. Пред да донесат таква одлука, мајките и татковците мора добро да размислат за се, но и да земат предвид колку одредена земја е добра за семеен живот и растењето на деца.
Оваа недела објавена е нова листа која покажува кои земји се најдобри за семеен живот, а земени се предвид 82, при што првата земја на листата е убедливо најдобра кога станува збор за образованието и трошоците за одгледување деца.
Листата е направена врз основа на 24 различни фактори, при што Исланд се смета за севкупно најдобра земја за преселба, општо земено. Меѓутоа, кога станува збор за семејства со деца, Шри Ланка е на прво место, верувале или не.
Оваа островска земја која се наоѓа во Индискиот Океан има оценка 88 од 100, благодарение на својот „импресивен образовен систем“ и ниските годишни трошоци за одгледување на деца, кои изнесуваат 326,8 евра.
Освен тоа, она што ја прави Шри Ланка добро место за живеење се бројните историски локации, многу зеленило и добра храна.
Еве кои уште земји се во топ 10 најдобри за семеен живот со деца:
- Шри Ланка
- Шведска
- Норвешка
- Нов Зеланд
- Исланд
- Германија
- Финска
- Данска
- Австралија
- Соединетите Американски Држави
