Нејмбери, страница посветена на имињата за бебиња, неодамна истражуваше кои се популарните имиња за земјите ширум светот во 2023 година. Некои од овие имиња за девојчиња и момчиња се омилени и кај нас, а ако барате инспирација за име кое може да се изговара низ целиот свет, еве неколку идеи.
Најпопуларни имиња за момчиња и девојчиња во европските земји
Топ 10 женски имиња
Софија – ова женско име е меѓу првите 10 имиња во Германија, Британска Колумбија, Нов Јужен Велс, Данска, Бугарија, Холандија, Норвешка и Полска. Женско име што значи мудрост: Најпопуларното интернационално име за девојчиња во светот
Ема – се наоѓа во топ 10 во Данска, Норвешка, Монако, Германија, Холандија, Британска Колумбија и Канада.
Оливија – е во топ 10 најпопуларни имиња во Австралија, Британска Колумбија, Данска, Холандија, Нов Зеланд, Норвешка и Полска.
Марија – се наоѓа на листата на најпопуларни имиња за девојчиња во Бугарија, Бразил, Естонија, Полска и Португалија. Варијанта на ова име Миријам е популарна во Израел, а во Бразил се дадени комбинации како Марија Сесилија, Марија Клара и слично.
Ела – во топ 10 имиња во Нов Зеланд, Германија и Норвешка.
Алис – е меѓу најпопуларните имиња во Бразил, Португалија, додека во Полска се дава името Алисја.
Лиа – ова име за девојчиња е хит во Израел, Германија, а варијанти на Леа и Лиа се даваат и во Норвешка.
Маја – се наоѓа во топ 10 женски имиња во Израел и Полска. Значењето на името Маја – популарно во 1980-тите кај нас, а доаѓа од различни култури.
Амелија – оваа варијанта на името е многу застапена во Австралија и Нов Зеланд, а варијантата Емилија е популарна во Германија.
Мила – се наоѓа на листата на најпопуларни во Германија и Холандија. Варијантата Камила е широко распространета во Португалија.
Топ 10 машки имиња
Ноа – ова машко име е во топ 10 во Австралија, Бразил, Данска, Германија, Холандија, Норвешка, Нов Зеланд. Интересно е што името Ноа е меѓу десетте најпопуларни имиња за девојчиња во Израел.
Теодор – во топ 10 најзастапени е во Австралија, Британска Колумбија, Нов Зеланд, Норвешка, Бразил, Германија.
Лео – името е во топ 10 во Австралија, Британска Колумбија, Нов Зеланд, Германија и Полска, додека Леонардо е чест избор за момчињата во Монако.
Лука – ова машко име е на врвот на листата на најпопуларни имиња за момчиња и во земјава во последните 15 години, а е во топ 10 и во Холандија, Нов Зеланд, Германија, Австралија, додека варијантата Лукас е застапена во Австралија, Норвешка.
Оливер – во првите 10 имиња во Австралија, Британска Колумбија, Нов Зеланд, Норвешка и Шведска, а Оливија е исто така многу популарно име за девојчиња.
Вилијам – е едно од најпопуларните имиња во Австралија и Германија, додека Лиам е популарна варијанта во Британска Колумбија, Холандија и Германија.
Џек – ова машко име е меѓу десетте најпопуларни во Британска Колумбија и Нов Зеланд, додека некои други варијанти на името Џон – Јан во Полска, Јао во Португалија се исто така популарни во светот.
Александар – во топ 10 имиња во Полска и Естонија, Александр во Бугарија, а варијантата Алексеј е хит во Естонија.
Емил – ова име за момчиња е многу чест избор на родителите во Данска, Германија и Норвешка.
Џејкоб – е топ 10 име за момчиња во Норвешка, варијантата Јакуб е популарна во Полска, а англиската варијанта Џејмс е хит во Холандија.
