Бабите и дедовците не само што носат безусловна љубов, туку носат и емоционална сигурност, чувство на припадност и мудрост што доаѓа со возраста. „Бабите и дедовците ги поврзуваат децата со нивното семејните и културни корени, што им помага да развијат посилна емоционална основа“, вели психологот д-р Кристал Саиди.
Во продолжение откријте шест клучни причини зошто поминувањето време со бабите и дедовците е толку важно и неколку совети за да го направите тоа време уште повредно.
Емоционална сигурност и безусловна љубов
Децата често се чувствуваат особено забележани и прифатени околу бабите и дедовците. Таа топлина и поддршка го намалуваат стресот и го подобруваат менталното здравје.
Учење доживотни вештини
Од печење колачиња до садење во градина, бабите и дедовците имаат трпение (и слободно време) со љубов да пренесуваат знаење. Овие активности ја поттикнуваат самодовербата и независноста кај децата.
Чувство на припадност и идентитет
Бабите и дедовците се живи сведоци на минатото, споделувајќи приказни, обичаи и вредности што им помагаат на децата подобро да разберат кои се и од каде доаѓаат.
Пример во соочувањето со емоциите
Постарите генерации честопати поминале низ многу предизвици во животот и можат да покажат како да се справат со предизвиците демонстрирајќи смиреност, трпение и способност за простување.
Повеќе игра, помалку распоред
Додека децата денес често се преоптоварени со активности, со бабите и дедовците можат да уживаат во спонтаност, имагинативна игра и одмор од зафатеното темпо.
Подобар успех во училиште
Истражувањата покажуваат дека децата кои поминуваат повеќе време со бабите и дедовците честопати постигнуваат подобри академски резултати, благодарение на разговорите, поттикнувањето на љубопитноста и учењето преку игра.
Како најдобро да го искористите времето со вашите внуци?
Следете ги нивните интереси: Наместо да ги наметнувате сопствените идеи, покажете интерес за она што ги интересира. И да, тоа значи гледање цртани филмови доколку е потребно.
Споделете ги вашите приказни: Приказните од вашиот сопствен живот, дури и грешките, оставаат неизбришлива трага и пренесуваат мудрост низ генерациите.
Бидете присутни, а не совршени: Нема потреба да се преправате дека сте совршени. Вашето присуство, трпение и топлина се она што ќе се памети.
