За наредната недела повторно се најавуваат високи температури и враќање на жештините како пред 10. дена.
Кога се децата во прашање, особено во овој период на нетипично топло време, тогаш станува особено внимателни и се трудиме да детето го скриеме од сонце, да не го изнесуваме надвор во време на најсилно зрачење, користиме заштитен фактор, очила, капчиња. Сепак, покрај сонцето, и топлината може да има негативно влијание на кожата.
Кај децата може да се случи да, жештините им предизвикуваат осип на кожата, во форма на ситни црвени точки.
КАКО ИЗГЛЕДА ОСИПОТ?
На кожата се појавуваат ситни црвени точкички,а на допир, кожата може да биде бодликава. Некогаш може да се случи да бидат и како бистри меурчиња кои се исполнети со течност. Обично променте се јавуваат на кожата на вратот и главата, и во пределот на градниот кош.
ДАЛИ ТРЕБА ДА СЕ ЗАГРИЖИТЕ?
Нема голема причина за загриженост. Овој осип едноставно е начин на кој кожата реагира на насобирањето пот.
ШТО ТРЕБА ДА ПРАВИТЕ?
Пред се, не грижете се. Осипот со тек на време ќе помине сам. Најдобро е веднаш да го отстраните она што ја предизвикало самата реакција и промена на кожата. Ако детето има премногу облека на себе, ослободете го од вишокот слоеви, за да може да диши. Разладете го детето и тргнете го од топлина.
Совет е да не мачкате креми, оти тие може да ја влошат состојбата.
КАКО ДА СПРЕЧИТЕ ПОЈАВА НА ОСИП?
- Кога сте надвор со деца, трудете се што повеќе да бидете во ладовина. Исто така, на високите температури не го наоблекувајте детето. Ако вам ви е многу жешко, сигурно му е ина детето.
- Ако детето е склоно да се поти, земете резервна облека, па по некое време преоблечете го.
- Избегнувајте и влажни простории, оти може да доведат до потење и појава на осип.
