Малите Швеѓани во училиштата повторно ќе читаат повеќе книги, ќе читаат тивко и ќе вежбаат ракопис, а помалку ќе работат на таблети и ќе користат компјутери. Враќањето на традиционалните начини на учење е одговор на прашањата на политичарите и експертите дали хипердигиталниот пристап во образованието во земјата, вклучително и воведувањето таблети во градинките, доведе до пад на основните вештини.
Како што пренесува АП, шведската министерка за образование Лота Едхолм била една од најголемите критичари на усвојувањето на технологијата.
„На учениците во Шведска им требаат повеќе учебници. Физичките книги се важни за учењето“, изјавии таа во март и планира целосно да го укине дигиталното учење за деца под шест години.
Иако учениците во Шведска постигнуваат резултати над европскиот просек кога станува збор за способноста за читање, меѓународната проценка на нивото на читање во четврто одделение паднало помеѓу 2016 и 2021 година. Во 2021 година, четвртоодделенците имале просек од 544 поени, а во 2016 година 555. За споредба, Сингапур во истиот период ги подобрил резултатите од 576 на 587 поени.
„Веруваме дека фокусот треба да се врати на стекнување знаење преку печатени учебници и стручност на наставниците, наместо да се стекнува знаење од достапни дигитални извори“, се вели во изјавата на шведскиот институт Каролинска минатиот месец за националната стратегија за дигитализација на образованието во земјата.
Минатиот месец УНЕСКО ги повика земјите да ги забрзаат интернет-врските во училиштата, но исто така предупреди дека технологијата во образованието треба да примени така да не ја замени наставата што ја водат наставниците.
