Сите деца на возраст од 12 до 18 години треба да одат на превентивен преглед за депресија, предлага група на светски стручњаци.
Депресијата кај младите може да предизвика долготрајно чувство на тага и губење на интерес за активности, а влијае и на нивниот успех во училиште, како и на односите со родителите и пријателите. Кај повеќето тинејџери симптомите на депресија успешно се лекуваат, но често таа е потценета и останува неоткриена што се поврзува со растечките ризици за заболување од депресија и ризикот од суицид во возрасниот период.
Стручњаците заклучиле дека нема потреба скрининг да се прави кај деца помлади од 12 години, иако, ниту тие не треба да се занемарат.
“Важно е да се открие депресијата, без разлика на возраста. Секој родител кој го загриѓува однесувањето на детето или неговото расположение, треба за тоа да разговара со лекар, односно стручно лице“, вели д-р Алекс Кемпер, професорка по педијатрија на Дјук универзитетот.
