Кој не доживеал силна болка и низа непријатни симптоми кои понекогаш ја следат менструацијата, не може да сфати колку е тешко да се функционира и работи во таква состојба. Работодавачите немаат секогаш разбирање, но состојбата, се чини, сепак полека се менува.
Жените кои се борат со болни менструации почедто мораат да земаат боледувања или да трошат денови од годишен одмор за да се опорават. Ако новата предлог здравствена реформа на Владата во Шпанија помине, од оваа недела Шпанките ќе имаат право на менструално отсуство.
Отсуството ќе им биде обезбедно на жените кои боледуваат од ендометриоза, некои други гинеколошки болести или едноставно имаат тешки менструални циклуси.
Некои азиски земји, како Јапонија, Јужна Кореја, Индонезија и замбија веќе имаат пракса за менструално боледување, а жените во земјава и во Европа зависат од добрата волја на работодавците.
ОД ГРЧЕВИ ДО ТЕШКИ ГЛАВОБОЛКИ И НЕСВЕСТИЦИ
Здружението на гинеколози на Шпанија објаснува дека една третина од жените во оваа земја страдаат од тешки менструални болки, односно дисменореја, како и од предместруална болки.
Симтпомите кои можат да ги следат болните менструации се грчеви во стомакот и во долниот дел на грбот, главоболка, пролив, повраќање, покачена телесна температура, а во потешки случаи и несвестица.
“Доколку некој боледува од болест која ги вклучува овие симптоми, му се одобрува привремена неспособност за работа, па истото треба да важи и за менструацијата. Треба да се погрижиме жените со тешка и болна менструација да останат дома“, коментира Анџела Родригез, државен секретар на Шпанија за рамноправност.
