Мајмунските сипаници се ретка болест предизвикана од вирус. Тие спаѓаат во категоријата вируси како и крупните сипаници, иако мајмунските сипаници предизвикуваат многу помалку тешки болести. Тоа е вирусна зооноза, што значи дека се пренесува на луѓето од животни, а потоа од човек на човек.
Како може да се заразите?
Мајмунските сипаници се шират со близок контакт. Според Американскиот центар за контрола и превенција на болести (ЦДЦ), тоа значи дека може да се пренесе преку оштетена кожа, дишни патишта или мукозни мембрани, како што се очите, носот или устата. Најчести начини на зараза со мајмунски сипаници се:
– Преку големи респираторни капки. „Капките од дишните патишта генерално не можат да патуваат повеќе од неколку метри, па затоа е потребен продолжен контакт лице в лице“, велат од ЦДЦ.
– Директен контакт со телесни течности или лезии.
– Контакт со контаминирана облека или постелнина.
ЦДЦ пред неколку дена предупреди дека иако секој може да добие мајмунски сипаници, болеста се шири глобално меѓу хомосексуалци и бисексуални мажи. Но, мајмунските сипаници не се сексуално пренослива болест.
„Секој може да пренесе мајмунски сипаници преку контакт со телесни течности, рани или респираторни капки кога е блиску до некого“, рече д-р Џон Брукс, главен медицински директор на Одделот за превенција на ХИВ/СИДА при ЦДЦ.
Официјалните лица велат дека севкупниот ризик од заразување со мајмунски сипаници е низок.
Мајмунските сипаници се шират со близок контакт. Според Американскиот центар за контрола и превенција на болести (ЦДЦ), тоа значи дека може да се пренесе преку оштетена кожа, дишни патишта или мукозни мембрани, како што се очите, носот или устата
Симптоми
Луѓето со мајмунски сипаници може да развијат треска или отечени лимфни јазли. Чести се главоболки, исцрпеност и болки во мускулите.
Еден од карактеристичните знаци на инфекција е осип на лицето или телото кој се претвора во испакнатини кои преминуваат во меурчиња, пренесува „Eat this“.
Луѓето со мајмунски сипаници се сметаат за најзаразни додека имаат осип. Болеста може да трае две до четири недели, а повеќето луѓе закрепнуваат без третман. Периодот на инкубација може да биде од седум до 14 дена, вели ЦДЦ.
Лицето со мајмунски сипаници може да биде заразно од еден ден пред да развие осип до 21 ден по појавата на симптомите.
