Марго Махол Бисноу е почитувана и светски позната едукаторка за родители и автор на бестселерот „Raising an Entrepreneur“. Додека ја пишувала споменатата книга за најефективните образовни методи, таа разговарала со 70 родители кои успеале да подигнат успешни возрасни луѓе, за тоа колку тие самите имале улога во успехот на нивното дете.
Родителите кои ја почитуваат приватноста на своите деца и не се трудат да им диктираат што им е интересно на нивните деца или како да се изразат, се поединци кои воспитуваат успешни луѓе
Како што пренесува американската ТВ-компанија CNBC, во нејзиното истражување учествувале различни групи родители, а единствената заедничка врска им било родителство со почит. Според собраните одговори и податоци, едукаторката заклучила дека сите родители ги почитувале овие три правила:
- цврста структура (од децата се очекувало сами да ги избираат и одговорно да ги решаваат своите задачи),
- постојана поддршка без оглед на се (децата имале право на мислење, се почитувала нивната приватност),
- топла и пријатна семејна средина (безбедна средина, поминување квалитетно време со семејството).
Секоја од овие работи, објаснува Бисноу, им давала на децата одредена самодоверба, но и вештини кои им помогнале да станат успешни подоцна во животот. Имено, таа објаснува дека родителите кои ја почитуваат приватноста на своите деца и не се трудат да им диктираат што им е интересно на нивните деца или како да се изразат се поединци кои воспитуваат успешни луѓе.
За разлика од другите популарни стилови на воспитување, како што е попустливото, кое претерано им попушта на децата за да избегнат конфликт, или авторитарното, каде комуникацијата е еднонасочна со многу малку земање предвид на емоционалните потреби на детето, родителството со почит подразбира гледање на децата како независни, рационални суштества.
