Девет деца до шест години од Алабама, заболени од мисертиозната форма на хепатитис (воспаление на црниот дроб) биле позитивни на честиот патоген познат како аденовирус 41, покажало минатонеделното истражување на американската здравствена агенција.
Светската здравствена организација објави дека децата претходно биле здрави и дека спаѓаат во групата на 170 деца од 11 земји кои во последните недели заболеле од необјаснив тип на хепатитис.
Друга американска сојузна држава, Висконсин, ја истражува смртта на едно дете.
Американскиот центар за контрола и превенција ан болести објави посебен нив документ за жариштата во Алабама, без оглед на тоа што во целата земја истрагата за болеста продолжува.
“Во овој момент веруваме дека причината за пријавените случаи на болеста меѓу децата може да биде аденовирус, но се уште истражуваме други потенцијални причинители од околината и ситуациските фактори“, стои во соопштението на ЦДЦ објавено со студија.
Познато е дека аденовирусот 41 предизвикува гастроентеритис кај децата (воспаление на слузницата на желудникот, тенкото и дебелото црево), “но најчесто не е вообичаена причина за хепатитис кај инаку здрави деца“, стои во објавата на агенцијата и се додава дека досегашната истрага ги исклучила останатите вообичаени фактори на кои децата може да бидат изложени – КОВИД-19, вируси на хепатитис А, Б и Ц, автоимун хепатитис и ретката автоимуна Вилсонова болест.
Девет случаи на мистериозна форма на хепатитис во Алабама пријавени се помеѓу октомври 2021 и февруари 2022 година.
Кај три случаи дошло до акутно затајување на црниот дроб, од што во два случаи била потребна трансплантација на црн дроб. Сите пациенти се опоравиле или се опоравуваат, вклучително и двајцата приматели на трансплантиран црн дроб.
Пред хоспитализацијата, повеќето деца повраќале и имале дијареа, а некои пријавиле проблеми со горниот респираторен тракт. За време на престојот во болница, кај повеќето млади пациенти било забележано дека имаат пожолтени белка во окото, некои добиле жолтица, а кај некои е забележан зголемен црн дроб.
Аденовирусите обично се шират со близок личен контакт, респираторни капки или допирање на различни површини. Постојат повеќе од 50 видови на аденовируси, кои најчесто предизвикуваат настинка, но и многу други болести.
