Тим научници од Универзитетот во Мичиген проучувал како цртите на лицето на таткото можат да влијаат на полот на бебето, односно првото дете. Тие дошле до следните заклучоци.
Научниците анализирале фотографии од 104 пара родители кои имале едно или повеќе деца. Од двете страни, т.е. мајките и татковците, било побарано да достават фотографии од лица што студентите ги оценувале според привлечноста, доминацијата и машкоста или женственоста.
Резултатите покажуваат дека една одредена карактеристика на лицето на таткото е поврзана со 83 проценти поголема шанса да се роди момче. И тоа би можело да објасни зошто Том Харди, Џејсон Стетам и Расел Кроу добиле син првенец.
Нивната анализа, објавена во списанието Adaptive Human Behaviour and Physiology , открила дека татковците чии лица биле оценети како подоминантни имале поголеми шанси да станат родители на момчиња и да имаат син како прво дете.
Овој резултат останал непроменет без оглед на нивното ниво на привлечност, машкост или возраст.
Тие откриле дека секое зголемување на перцепираната доминација е поврзано со 83 проценти поголема веројатност за добивање машки наследник. Сепак, не е забележан сличен ефект кај доминацијата на лицето на мајката.
Тимот научници објаснува дека една теорија е дека кога жените имаат повисоки нивоа на тестостерон околу зачнувањето – фактор поврзан со раѓањето машки деца – тие може да претпочитаат мажи со доминантен изглед.
„Предлагаме веродостоен механизам преку кој привлечноста на мајката, хормоните и партнерските преференции влијаат на полот на бебето. Односите помеѓу знаците на доминација на лицето и полот на потомството бараат понатамошно истражување“, вели авторот на истражувањето, Бенџамин Зубали.
