На местата каде кожата се “превиткува“ може да дојде до иритација проследена со црвенило. Всушност, станува збор за триење на кожа од кожа и настанува црвенило. Тоа особено се случува кај напредните бебиња, кои имаат мал “вишок“ на поткожно масно ткиво на вратот, па кожата на ова место лесно се превиткува.
Од друга страна, бебето може да има и кожно пореметување (себореичен дерматитис) кој не е ретка појава на оваа возраст. Тогаш обично се забележуваат и лушпи на црвеилото, а кожата е задебелена и тврда.
Кога ќе се забележи вакво црвенило на прегибите, треба редовно и внимателно да се измие и исуши бебешката кожа, особено на прегибите, советуваат педијатрите.
Според нив, треба да се избегнува нанесување на масни креми на кожата на бебето, кои практично ја “гушат“ кожата и да се користат само благи хранливи креми за нега на бебешката кожа, без никакви додатоци.
Ако после неколку дена состојбата не се подобрува, треба да се направи консултација со матичниот педијатар на детето.
