Кога го започнувате процесот на одвикнување од пелени и навикнување на нокшир, можеби се прашувате дали има некаква разлика помеѓу машкото и женското дете што треба да се земе предвид. Иако учењето на нокшир или тоалет е во основа исто без разлика на полот, некои помали разлики сепак постојат.
Кога да започнете со навикнување на нокшир?
Кога зборуваме за „кога“, сето тоа е индивидуално и различно од дете до дете. Но, некои истражувања покажуваат дека девојчињата нешто порано покажуваат интерес за вадење на пелените од момчињата. Така, некои од нив се подготвени за одвикнување веќе на возраст од 18 месеци, додека други го достигнуваат истото ниво на подготвеност на возраст од три или повеќе години. Истото важи и за момчињата.
Прилагодете ја техниката
Кога ќе го започнете процесот, сè уште има некои разлики во однос на полот, а една од нив се однесува на чистата анатомија. На пример, ќе ги учите девојчињата уште од најрана возраст кога да се бришат после мокрење, тоа го прават од напред кон назад. Така, тие избегнуваат пренесување на бактерии во уринарниот тракт.
Ова не е проблем за момчињата, но нивните родители треба да ги научат што да прават со половиот орган кога одат да уринираат. Повеќето родители почнуваат со процесот на седење на момчињата на нокшир наместо да уринираат од стоечка положба. Притоа ги учат дека треба да го спуштат пенисот во нокширот пред да извршат нужда.
Со седнување на ве-це шолја се согласуваат и експертите кои сметаат дека уринирањето стоејќи бара одредени развојни вештини кои помладите момчиња сè уште не ги поседуваат.
Ако момчето сепак инсистира да врши нужда стоејќи, разговарајте со него и покажете му како да го прави тоа и дека целта е содржината да влезе во ве-це школката, а не на подот или ѕидовите. Ако сепак се случи незгода, нема потреба од викање или драма, но не заборавајте да го вклучите вашиот син во процесот на чистење на нередот, бидејќи тоа е најдобриот начин тој да стане свесен за тоа.
Еве што треба да имате на ум:
- Размислете за награди
Некои родители ги воведуваат како дел од тренингот бидејќи така им е полесно. Понекогаш тоа се налепници, друг пат бонбони или слични ситници. Смислете свој систем на награди: кога, зошто, колку. И погрижете се наградите да се секогаш при рака.
- Следете го интересот
Иако девојчињата, честопати се поподготвени и позаинтересирани да се навикнат на нокшир од момчињата, најважно е да бидете трпеливи без разлика за кого станува збор, бидејќи во спротивно целиот процес би можел да биде вистинско мачење.
Исто така, треба да се има предвид дека некои деца можат да бидат многу возбудени пред самиот почеток, но губат интерес веќе во текот на првиот ден. Внимавајте на знаците дека вашето дете станува фрустрирано од целиот процес, и ако е така, променете ги методите или дури одложете сè за еден месец.
