Непроспиените ноќи најчесто се поврзуваат со штотуку роденото бебе, не и со бременоста, но всушност, доколку не сте внимателни, и за време на бременоста може да завршите со подочници и ненаспаност, што може да го загрози здравјето, што секако влијае и на плодот.
Дури и претходно да не сте имале проблеми со спиењето, статистиките покажуваат дека околу 89% од трудниците патат од недоволно сон за време на бременоста.
Ова се неколку едноставни совети за добро спиење за време на бременоста.
Избегнувајте да прилегнете во текот на денот
Додека сте бремена, особено во првите месеци, хормоните ќе завладеат со телото и често ќе се фатите себе дека сте уморни или исцрпени, дури и во текот на денот. Но, за да обезбедите добар ноќен сон, подобро е да не спиете во текот на денот, туку само да одморите, без спиење.
Избегнувајте доцни вечери
Доцната вечера може да ви создаде жиговина, лошо варење, рефлукс киселини. Затоа внимавајте да не вечерате, 2-3 часа пред легнување.
Спијте на страна
Спиењето на страна е најдобар избор, бидејќи таа положба редуцира притисок на матката и може да го подобри квалитетот на дишење и да ја намали болката и непријатноста во грбот.
Без електронски уреди
Ако планирате да си легнете во одредено време, најмалку 40 минути пред заспивање, исклучете ги сите електронски уреди.
