Родителите сакаат на своите деца да им ја дадат најдобрата основа за успех, но често се прашуваат кои особини се клучни за нивниот развој. Некои карактеристики, како што се издржливоста и дисциплината, можат значително да влијаат на нивната иднина. Едукаторот за родителство Џејми Блох споделува пет клучни особини кои можат да им помогнат на децата да пораснат во успешни и самоуверени луѓе.
- Отпорност
“Животот не е секогаш лесен, а децата ќе се соочат со предизвици. Отпорноста им помага да се кренат по тешките ситуации, да научат од нив и да се обидат повторно. Охрабрувањето на децата да продолжат, го зајакнува нивниот карактер и ги подготвува за иднината”, истакнува едукаторката.
- Љубопитност
Децата кои поставуваат прашања, истражуваат нови идеи и покажуваат желба за учење, постојано напредуваат. „Помагањето на децата да го гледаат светот како место полно со можности, го поттикнува нивниот интелектуален развој“, тврди Блох.
- Емпатија
Децата кои разбираат како се чувствуваат другите градат силни врски и добро соработуваат со другите. Поучувањето на емпатија им помага да се поврзат, да споделуваат мисли и да соработуваат поефективно.
- Дисциплина
Успехот често бара труд и посветеност. Самодисциплината им помага на децата да останат фокусирани на задачите, без разлика дали се тоа учење, спорт или домашни работи.
- Самодоверба
“Децата кои веруваат во себе полесно ги прифаќаат предизвиците и излегуваат од нивната комфорна зона. Пофалувањето на нивните напори, а не само нивните резултати, им помага да развијат внатрешна сигурност и мотивација”, заклучува Блох.
