Најпопуларно е мислењето дека утринските мачнини настануваат поради лачење на гонадотропниот хормон. Тој почнува да се лачи набрзо по зачнувањето, а потоа помага во излачувањето на прогестеронот кој овозможува здравје на матката. Како што гонадотропниот хормон ја опушта матката за да може бебето да расте, така го опупта и дигестивниот систем. Затоа тој станува побавен, киселината се качува и се јавува рефлукс и доаѓа до нагони за повраќање.
Утринските начнини, па и оние преку ден и навечер не се пријатни, но не влијаат негативно на плодот ако во текот на денот внесувате доволно хранливи материи и течности.
Ако мачнините ви го попречуваат секојдневното функционирање, мора посебно да се посветите на тоа да направите добар распоред и соодветен тајминг кој ќе ви оди на рака. Важно е да се јаде малку, но често. Важно е да се внесува доволно течности, но немојте да јадете и пиете истовремено, оти така може да се влошат мачнините. Течности внесувајте 20 минути по оброкот.
Советувајте со својот гинеколог околу внесувањето на евентуални додатоци на исхраната, особено во периодот кога ме мачат утринските мачнини.
Водете дневник на исхрана за да препознаете во кој период од денот и по внесувањето на кои намирници се јавува мачнината, и кон тоа прилагодете ги своите оброци.
Мачнините кои бремените жени ги нарекуваат утрински, во принцип може да се јават во било кој период од денот. Околу 85% од трудниците кои ги имаат наутро, доживуваат уште две епизоди во текот на денот.
Мачнините почнуваат околу шестата недела од бременоста и завршуваат, најчесто, во 16. недела.
ВНИМАНИЕ!
Ако сте ги пробале сите совети и методи, а мачнините упорно не се намалуваат, побарајте помош од својот лекар.
