Според дефиницијата Diastasis recti означува абдоминално раздвојување, односно состојба кога растојанието меѓу левиот и десниот стомачен мускул е проширен. Diastasis recti се случува кога прекумерниот притисок на стомакот, поради дополнителната тежина, предизвикува стомачните мускули да ја изгубат формата.
Иако во некои случаи оваа состојба ја добиваат и децата и мажите (кои дигаат претешки тегови), главно жените се тие кои ги погодува, особено трудниците, бидејќи матката расте и мускулите се раздвојуваат па две од три трудници страдаат од Diastasis recti.
Постојат неколку фактори кои ја зголемуваат веројатноста од појава на оваа состојба, тоа се: бременост по 35. година, близнаци или тројки, како и раѓање на повеќе деца во текот на животот.
Ако не сте сигурни дека имате Diastasis recti, ова се три знаци кои ќе ви потврдат.
Запек
Diastasis recti создава контаминиран, тежок притисок во карлицата и абдоминалниот ѕид, што предизвикува непразнење на цревата. Дополнителен притисок на тоа подрачје може да предизвика и запек, а симптоми се помалку од три столици неделно, тврда столица и непразнење, односно болки во цревата. Запекот може да го решите со промена на исхраната. Обидете се јадете повеќе пробиотици, за да поттикнете варење, а најдобри намирници се јогурт, кефир и кисела зелка.
Болка во долниот дел на грбот
Болката во долниот дел на грбот е карактеристична за Diastasis recti. Долниот делот на грбот е поврзан и со стомачните мускули, па секое одвојување или слабост на тие мускули може да предизвика хронична болка во долниот дел на грбот. Лицата кои и пред оваа состојба страдале од болки во грбот, потврдиле дека симптомите по појавата на Diastasis recti се влошиле. Ако се сомневате дека страдате од Diastasis recti, важно е да побарате помош од лекар, особено оној кој ве породил, за да ви даде превентивни совети.
Лошо држење на телото
Стомачните мускули се важни за држење на торзото во исправена положба, па ослабувањето на мускулите на стомакот влијаат на способноста за добро држење. Diastasis recti неизбежно влијае на стомачните мускули особено во доцната фаза на бременоста што доведува до структурна нескладност и лошо држење. Ако веќе ја имате оваа состојба, избегнувајте стомачни вежби и не правете било какви вежби без консултација со стручњаци! Важно е да бидете свесни како може превентивно да делувате на развојот на Diastasis recti, дури и пред да дојде до тоа.
Оваа состојба се решава со вежбање, но оние кои ќе ви ги препорача физиотерапевт, или со операција, ако не сакате повторна бременост.
