“Размазеноста кај децата главно се случува како последица на погрешни родителски уверувања. Некои од нив се дека само лошите родители казнуваат и ги критикуваат децата, дека децата постојано треба да бидат среќни и задоволни, дека на децата треба да им се исполнуваат сите желби, дека казната е исто што и насилство и слично. Сето тоа за резултат има инфалција на пофалби и награди од една страна, а од друга, мал број на барања. Кога кон тоа ќе се додаде и отсуството на критика и санкционирање на недоличното однесување, пред нас е размазено дете, а основен принцип по кој тоа функционира е принципот на хедонизам“, објаснуваат педагозите и психотерапевтите.
ВОСПИТЕН СТИЛ
Тие советуваат родителот прво да го преиспита својот воспитен стил и да согледа колку во него се застапени пофалбите и наградите, критиките и казните и колку често на своите деца им поставуваат барања.
“Денес владее дисбаланс во смисол дека на детето се му е дозволено, дека барањата се прениски и дека наградите и фалбите се претерани, односно најчест модел. Праксата покажува и дека се чести комбинации како што е на пример, преразмазеност и презаситување кога се има дополнителен отежнувачки фактор – ниско ниво на самодоверба, што долгорочно директно влијае на намален развој на самопочитување кај децата“, предупредуваат стручњаците.
Како да не го размазите детето?
Пријдете му со многу љубов и разбирање. Не заборавете да му покажете почитување и кога му давате до знаење дека од негоо барате одредено однесување бидејќи го сметате за доволно зрело да тоа однесување и го усвои. Она што треба да ви бидат насоки секако се:
- Дајте му јасни упатства на детето (јасен говор, едноставни формули)
- Понудете избор
- Поставувајте корисни прашања
- Користете креативност, хумор, позитивна поддршка кога тоа и да е можно
- Потпирајте се на правила и рутина
- Претворете ги очекувањата од децата во јасни барања
- Последиците од недоличното однесување, одредете ги однапред.
