Станува збор за многу честа ситауција за време на зимските месеци иако може да се случи било кога. Повеќето родители забрзано се подготвуваат детето од кревет итно да го однесат во дежурна амбуланта. Но, за среќа поголемиот број од овие деца не се пациенти кои имаат сериозен здравствен проблем и кој бара неодложен преглед и лекување.
Ова е водич кој ќе ви помогне во ситуации кога вашето дете одненадеж ќе покачи температура и што треба да направите пред да истрчате кај лекар.
Што е зголемена температура
Нормална телесна температура мерена под пазуви (аксиларно) е до 37 степени. Кога се мери во газе (ректално), горната граница на телесната температура е за половина степен повисока – 37.5. Понатаму во текстот ќе зборуваме за температурата мерена под пазува, бидејќи тоа сепак е полесен начин за мерење кај повеќето деца. Кога телесната температура е до 38 степени таа не се смета за висока, па децата со температура од 37,5 – 38 се нарекуваат субфебрилни. Кога детето има над 38 степени се работи за вистинска зголемена температура (фебрилни деца), а кога е над 39 – 39,5 станува збор за многу висока температура. Температурата над 40 степени изискува брза реакција бидејќи без разлика на причината, мора неодложно да се намали.
Зошто се јавува
Високата телесна температура речиси секогаш е знак за некоја болест или пореметување, но инфекциите се најчеста причина за изненадно зголемување на температурата. Повеќето вируси и бактерии кога ќе влезат во детскиот организам покренуваат одбранбена реакција на имуниот систем. Една од манифестациите е зголемена телесна температура.
Како брзо да се намали
Температурата до 38 степени во повеќето случаи не бара намалување. Ако е над 38 степени не треба да се паничи, туку постепено да се нормализира. Прво, соблечете го детете, немојте да го покриввате. Заблуда е дека детето треба дополнително да се покрие што всушност претставува опасност. Затоплувањето на детето дополнително го зголемува ризикот од компликации. Ладењето е најефикасен начин за намалувањето на високата температура додека се чека антипиретикот (лекот) да го даде саканиот ефект, за што е потребно 15 и повеќе минути.
Кога станува збор за висока температура над 39 – 39,5 степени, најдобар начин за намалување е туширање на детето со ладна вода. Треба да се избегнува ладна вода за туширање, а наместо туш може со млака вода да се натопи памучна крпа и многу внимателно да се нароси детето кое седи или лежи. Потоа детето треба да се остави да се исуши без покривање. Оваа процедува треба да се повторува колку што е потребно.
Правилното разладување на детето е неопходно, ефикасно, но краткотрајно. Затоа е неопходно да се применат лекови за намалување на температурата.
Што ако се случат грчеви
Кога ќе се појави фебрилна конвулзија (грч), а родителите немаат соодветни лекови и прв пат им се случува, паниката е неизбежна. Оваа состојба изгледа драматично, но под услов се да се направи како што треба нема штетни последици по детето. Во тие моменти треба што побрзо да се однесе на лекар или а се повика брза помош. Детето треба да се транспортира легнато на страна, не треба да се извлекува јазикот и не остава последици ако не трае подолго од 20 минути. Детето е без свест, обично со вкочанет, фиксиран поглед, згрчено, или наизмечно се тресе и опушта (конвузија), а неретко може да се види и пена на устата. Во такви ситуации, се дава диазепам, но за текот и спроведувањето на овој третман, претходно разговарајте со матичниот педијатар, кој до детали и со упатства ќе ви каже како третманот се спроведува.
