Зголемениот индекс на телесна маса (ИТМ) во детството, особено помеѓу седмата и 13 година од животот, е поврзан со ризик од рак на мочниот меур во возрасниот период, укажуваат резултати од најнова студија.
Иако апсолутниот ризик од рак на мочниот меур е низок, овие резултати допринесуваат за подобро разбирање како големината на телото во раниот животен период може да укажуваат на ризик од оваа болест, истакнуваат стручњаците.
Од претходно се знае дека прекумерната телесна тежина во возрасната доба, е потенцијален ризик фактор за рак на мочниот меур.
Глобално гледано, ракот на мочниот меур е девети најчест карцином и 13. најчеста причина за смртност од рак.
