Во денешното време употребата на клима уреди не е мода, туку едноставно е неопходна. Во ек на летните горештини, сосема е извесно дека сите ќе ја вклучат климата наместо да трпат високи температури со месеци. Нема причина да не го климатизирате просторот во кој престојува вашето дете, но за детето да нема здравствени проблеми поради користењето на клима уредот, потребно е да се запазат неколку важни правила.
Голема и брза промена е шок за секој организам, па и за детето. Доколку е планирано излегување, исклучете ја климата петнаесет минути порано. Ако ви се брза, останете во ходникот најмалку пет минути. Истото важи и за влез во разладена просторија
Проверете ја исправноста на климата
Најдобро би било ако редовно ги извршувате препорачаните сервиси пред да се појават проблеми. Доколку почувствувате необичен мирис или слушнете необичен звук од моторот на клима уредот, потребно е веднаш да го исклучите и да ги извршите потребните поправки.
На почетокот на сезоната
Неопходно е да се исчистат или заменат филтрите на клима уредот. Доколку филтрите се валкани, на нив се размножуваат бактерии и габи, кои потоа се шират низ целиот стан.
Наместете пријатна температура
Правилото е дека температурната разлика во однос на надворешната средина не треба да биде поголема од пет до седум степени. Ова правило е тешко да се спроведе ако надвор е 40 степени. Во овој случај, поставете ја климата на температура која ќе им одговара на сите.
Немојте нагло да излегувате со детето од климатизирана просторија
Голема и брза промена е шок за секој организам, па и за детето. Доколку е планирано излегување, исклучете ја климата петнаесет минути порано. Ако ви се брза, останете во ходникот најмалку пет минути. Истото важи и за влез во разладена просторија.
Внимавајте клима уредот да не дува директно во детето
Прилагодете ја насоката на дување на апаратот така што никој да не биде изложен на директен проток на ладен воздух.
