Родителите се предупредени за опасностите од екстра киселите лижавчиња, откако едно младо момче претрпе сериозни изгореници на јазикот од грицкање на оваа кисела бонбона.
Службата за безбедност и прва помош CPR Kids ја сподели ужасната слика од изгорениот јазик на момчето, на која се гледа дека е целосно изгорен во слоеви поради високата содржина на киселина во лижавчињата.
Истата беше испратена до организацијата од мајката на момчето, и двете се од Перт, Австралија за да ја „шири свеста“ за опасноста од овие благи.
Не е познато конкретно кое лижавче го консумирало момчето.
„На пакувањата со кисели бонбони често е напишано дека децата под 4 години не треба да ги јадат овие слатки и дека брзото консумирање на повеќе лижавчиња може да предизвика „привремена иритација и чувствителен јазик и уста“, се вели во објавата од CPR Kids.
Стоматолозите апелираат родителите и децата да ги избегнуваат киселите лижавчиња поради нивната кисела содржина
„Разбираме дека на етикетите има предупредувања, но стоматолозите велат дека лижавчињата треба целосно да се избегнуваат поради киселата обвивка, без разлика на возраста“.
Д-р Џонатан Тео од Австралиската стоматолошка асоцијација ја нагласува оваа порака, предупредувајќи дека киселите лижавчиња можат да бидат „многу опасни“ поради „високото ниво на киселина или PH“.
CPR Kids укажува на тестот спроведен од Австралиското здружение на потрошувачи CHOICE, кој открил дека повеќето кисели лижавчиња се покисели и од оцетот.
Случајот на момчето од Перт доаѓа неколку месеци откако мајката од Мелбурн, Кристи Рајт, сними ужасна слика од нејзиното девојче со тешко изгорена уста како предупредување до другите родители кои би можеле да им дозволат на своите деца да пробаат кисели лижавчиња.
Сликата го прикажува девојчето со образи натопени од солзи и огромен плускавец кој го покрива поголемиот дел од нејзиниот јазик, пишува „Дејли мејл“.
