За родителите кои по прв пат добиле потомство, секое ново соочување со одредена грижа и нега на бебето е стресна, па така од листата не е изземено ниту сечењето нокти. Ова се куси одговори на основни прашања поврзани со правилната нега на бебешките нокти, и на рацете и на нозете.
Дали е потребен посебен прибор за нега на бебешките нокти?
Да. Постојат специјално ножички со рамни врвови како и мала грицкалка.За бебето секогаш треба да купите нова грицкалица или пак ножички кои ќе ги користите само за него; немојте да го користите вашиот прибор или пак приборот од постарото дете.
Кога прв пат можам да му ги исечам ноктите на рацете на бебето?
Бебињата често се раѓаат со долги нокти кои им сметаат бидејќи со нив несвесно се гребат. И покрај таа причина, ноктите на бебињата не смеат да се сечат се додека тие не наполнат две недели. За да не дозволите гребење, заштите им ги рачињата со ракавици за новороденчиња.
Како правилно се сечат ноктите на бебињата?
Ноктите се сечат еднаш неделно и тоа на следниов начин:
- Измијте ги вашите раце со вода и сапун
- Најдобро време за сечење на ноктите е после капење.
- Избришете ги ножичките со алкохол, а исто и ноктите на бебето
- Повлечете го “перничето” од прстот, да се раздови од ноктот
- Со едната рака држете ја дланката на бебето а со другата сечете
- Ноктите се сечат право и рамно
