Млекото е совршена прва храна за вашето дете, бидејќи е лесно сварливо и ги содржи сите хранливи материи кои му се потребни. Меѓутоа, во него се наоѓаат бактерии кои може да го иритираат бебешкиот желудник. Остатокот од трагите од млеко на шишињата и цуцлите може да биде погодно тло за развој на микроорганизми. Тоа е основната причина за стерилизација на шишињата, што е процес во кој бактериите најефикасно се уништуваат. Во услови на висока температура овие микроорганизми не може да преживеат, па на тој начин не влегуваат ни во телото на бебето. Тоа е од голема помош, бидејќи во отсуство на бактерии внесени од надворешна средина се до шестиот месец во организмот на бебето нема да започне производство на антитела за борба против инфекции. На возраст од една година, детскиот организам е во состојба сам да ги уништи бактериите.
Што треба да се стерилизира
Ако го храните вашето бебе од шише, стерилизацијата е неопходна се додека бебето го користи. Вештачкото млеко не е стерилно и содржи бактерии. Тоа може да претставува проблем единствено ако неизмиеното шише се остави на собна температура неколку часа, бидејќи во тие услови бактериите почнуваат да се размножуваат. Затоа пред подготовка на следниот оброк од клучно значење е стерилизација на комплетниот прибор за исхрана.
Чистота на почеток
Пред употребата на стерилизатор измијте ги шишињата и другите нивни компоненти (сигурносен прстен, капак, цуцла), како и приборот со кој шишињата биле во контакт. Направете го ова во топла вода со детергент, со помош на четка за миење шишања и одвоено од останатите кујнски садови. Потоа исплакнете ги сите делови под млаз ладна вода. Шишињата може да ги миете и во машина за миење садови ако се прилагодени за такви услови, но цуцлите мијте ги рачно.
Вриење
Доколку немате стерилизатор, секогаш имате можност за вриење во вода – еден од најдобрите начини за стерилизација на шишињата. За оваа постапка потребен ви е подлабок сад со капак во кој ќе налеете доволно вода од чешма за целосно да се поклопат шишињата и дополнителната опрема, а притоа водата треба континуирано да врие десет минути. Ако користите пластични шишиња, тогаш задолжително поклопете го садот за вриење за да водата ги прекрие сите делови што ги стерилизрате. Во идеален случај, шишињата треба да се употребат непосредно по вриењето, а ако тоа не е возможно веднаш затворете ги и прицврстете ги цуцлите за да се спречи контаминација на бактерии.
Кога треба да се престане
Кога бебето ќе започне со консумирање цврста храна, престанува потребата за стерилизација на чиниите, лажиците и цуцлите, бидејќи единствено бактериите од млекото претставуваат опасност. До возраст од една година имунитетот е доволно развиен сам да се избори со бактериите – тогаш може да се престане со стерилизација.
