Работата на воспитувачот е често прилично предизвикувачка и крајно одговорна, а тешко е да се наведат сите неволји со кои можат да се соочат луѓето од оваа професија – списокот е предолг. Еден од водечките проблеми, како што истакна една воспитачка на Редит, е тоа што родителите сметаат дека однесувањето на децата не е проблематично и одбиваат да забележат проблем кога тој навистина постои.
Една воспитачка од странство на социјалната мрежа Редит објави фотографија на која се гледа како изгледа собата во градинка по тантру, односно напад на бес на тригодишно момче. Воспитачката објави слика од просторијата која е целосно затрупана со играчки, а овој неред е дело на 3-годишно дете.
Според зборовите на воспитачката, детето добило тантрум бидејќи одбило да оди на спиење. „Родителите инсистираат дека однесувањето на детето не е проблем“, стои во описот на фотографијата.
Нејзината објава собра над 3.000 коментари, но ги подели и корисниците на социјалните мрежи. Многумина сочувствуваа со воспитачката, со еден коментар: „Мислев дека тоа е уништување од многу деца, но тоа било едно дете?!“
Некој друг се согласил и додал: „Тие родители ќе бидат грубо разбудени во тинејџерските години на нивното дете, ако не побараат помош сега.“; „Тешко е да се справиш, па мама и тато ја префрлаат целата одговорност на воспитувачите“, напишал друг.
Меѓутоа, други беа посочувствителни и инсистираа дека може да има многу причини за однесувањето на детето. Еден поранешен воспитувач напиша: „Постојат безброј фактори кои можат да влијаат на детето да реагира на овој начин. Според моето искуство, еден од нив е често стресниот живот во домот“.
„Ова мало дете само учи како да ги регулира своите чувства и ако неговиот живот дома не е организиран или безбеден, тогаш детето вака се однесува затоа што не знае како да зборува за она што навистина го мачи. Тоа дури и не мора да биде директна злоупотреба или било што“.
Што велат експертите?
Според експертот за родителство Кирсти Кетл, никогаш не треба да попуштате кога вашето дете има вакви напади на бес.
„Најголемата работа – и знам дека е тешко – е да се остане смирен“, вели Кетл. „Земете длабоко воздух и останете смирени што е можно повеќе – затоа што можете да имате поголема контрола кога сте смирени“.
Како што истакнува таа, ова ќе ги научи и децата како да ги контролираат своите емоции додека растат. „Покажете им дека разбирате зошто се фрустрирани или вознемирени. Но, никако не попуштајте“.
Според експертите, ако родителите му дадат привилегија на детето по напад на бес, детето ќе научи дека со агресивно однесување, лутина, викање, удирање и кршење работи, може да ги контролира родителите и да го добие она што го сака – што е целосно погрешно.
