Да се има бебе за многу родители е искуство како ниту едно друго во животот. Девет месеци исчекување, моментот кога детето конечно ќе се роди, а потоа месеците во кои почнува да расте и напредува. Но, за многу мајки оваа идила завршува по породилното отсуство, што може да биде особено стресно поради повеќе причини, а една од нив е чувството на вина што го оставиле своето дете.
За овој преоден период од породилно отсуство на работа помине со што е можно помалку стрес, експертите за родителство споделуваат неколку корисни совети како на мајката да и биде полесно во текот на овој период.
- Обезбедете вистинска поддршка дома
Најголем дел од вината што новите мајки ја чувствуваат доаѓа од страв и стрес. Што ќе прави моето бебе сега? Што ако огладне и никој не го храни? Што ако никој не ги разбира неговите потреби? Овие прашања често се појавуваат во умот на секоја мајка, особено кога се враќа на работа по породилното отсуство.
За да ја олесните оваа транзиција, разговарајте со доверливи луѓе кои ќе ви помогнат. Ангажирајте професионалец, член на семејството или доверлив пријател кој може да ви помогне и да внимава на вашето дете додека не сте дома, доколку детето не е доволно старо за активно да оди во дневен престој или градинка.
- Прашајте ги претпоставените за флексибилното работно време
Ако е можно, одлучете се за хибриден режим на работа, барем во првите неколку месеци по враќањето на работа, за да можете да поминувате што повеќе време со вашето бебе. Во ситуации кога работата од дома не е опција, вашиот партнер или вие можете да проверите кај претпоставените дали има пофлексибилно работно време неколку дена во неделата, за да можете да се координирате со распоредот на вашето бебе и да бидете покрај него за време на будење, хранење и слично.
- Обидете се да не се грижите премногу, иако ви се чини невозможно
Мајките, особено оние кои го имаат своето прво дете, честопати стануваат премногу претпазливи околу своето бебе. И иако е секогаш подобро да бидете претпазливи, не претерувајте и не предизвикувајте непотребен стрес. За да ја намалите анксиозноста, препознајте го нормалното однесување на вашето бебе, побарајте совет од други родители и професионалци доколку е потребно.
- Најдете време за себе.
Одвојувањето време за себе е многу важно во овој преоден рок кога сте на „две“ страни. Многу мајки во почетните месеци од одењето на работа едвај чекаат да се вратат дома и да бидат со своите деца, но после тоа одвојте барем неколку минути само за себе. Краткото дружење со пријателите, одење на прошетка или разговор со некого може да биде доволно за да ви овозможи многу потребна пауза од стресот што го чувствувате.
