ЗАБАВИ МАЛКУ, МАМА… Секогаш изгледаш толку уморно

♦♦♦♦♦♦♦

Непроспиени ноќи, менување на пелени, хранење, собирање играчки, миење садови, бањање, чистење… Има ли крај на обврските во домот со мали деца? Постојано во трка со времето и обврските… И да… Постојано уморни.

Како изгледа сево ова од агол на децата, како тие ја доживуваат дневната „итаница“ на нивните мајки, а тие, пак, од друга страна, дали воопшто се свесни дека бебешките денови и детството минуваат за миг. Или како што вели последниот стих од песната на Ребека Најт: ДЕТСТВОТО НЕ Е ТУКА ЗА ДА ОСТАНЕ!

Да, мајка, ти која во моментов го читаш ова… Забави малку… Напиј се нешто со децата, испечете торта, смејте се, забавувајте се… Тие мали рачиња набрзо ќе пораснат и сево ова многу ќе ти недостасува. Затоа уживајте заедно во моментот! Забави малку…

Забави малку, мама

-Ребека Најт-

Забави малку, мама, нема потреба толку да брзаш,

Забави малку, мама, никаде „не гори“!

Забави малку, мама, направи си еден чај.

Забави малку, мама, дојди и помини малку време со мене.

♦♦♦

Забави малку, мама, ајде да ги облечеме чизмите и да излеземе на прошетка,

ајде да шутираме купишта лисја, да се смееме и да зборуваме.

Забави малку, мама, секогаш изгледаш толку уморно,

Дојди, седни, легни со мене во кревет и одмори се, на кратко.

♦♦♦

Забави малку, мама, тие валкани садови може да почекаат,

Забави малку, мама, ајде да се забавуваме заедно, ајде да испечеме торта!

Забави малку, мама, знам дека многу работиш,

но понекогаш, мама, убаво е кога ќе застанеш на момент.

♦♦♦

Седни со нас минута,

слушни каков ни бил денот,

помини драгоцен момент,

бидејќи нашето детство не е тука за да остане!