Повеќе студии го потенцираат позитивното влијание на забраната на мобилните телефони во училиштата врз успехот на учениците.
Влијанието на мобилните телефони и друга технологија врз наставата е тема за која многу се дебатира – некои се за целосна забрана, додека други се за паметна употреба на технологијата како наставна алатка.
Заклучокот на научниците е дека полошите ученици се поподложни на негативното влијание на мобилните телефони, што им го одвлекува вниманието, додека одличните студенти се поспособни да се спротивстават на ова искушение
Учениците од јавните училишта во Јужна Австралија ја започнаа учебната година без да можат да ги носат своите мобилни телефони на часови, освен ако не им се потребни за училишна активност. Сите ученици од јавните училишта во Западна Австралија и Нов Јужен Велс не смеат да носат телефони на училиште од 2020 година.
Забраните беа воведени од повеќе причини, вклучително и подобрување на училишниот успех и намалување на врсничкото насилство, пишува магазинот „The Conversation“.
Повеќе студии го потенцираат позитивното влијание на забраната на мобилните телефони во училиштата врз успехот на учениците.
Студија од 2015 година ги споредила училиштата во Англија во кои била забранета употребата на мобилни телефони со училишта каде што биле дозволени телефони и покажала дека по забраната за употреба на телефони, резултатите на 16-годишни ученици се подобриле за 6,4%, еднакво на додавање на пет дена во учебната година или еден час на наставната недела. Позитивното влијание на забраната било двојно поголемо кај полошите ученици, додека кај најдобрите ученици не дошло до никаква промена.
Забраната за мобилни телефони во училиштата, меѓу другото, го намалува јазот меѓу добрите и лошите ученици
Заклучокот на научниците е дека полошите ученици се подложни на негативното влијание на мобилните телефони, што им го одвлекува вниманието, додека одличните студенти се поспособни да се спротивстават на ова искушение.
Ова значи дека забраната за мобилни телефони во училиштата, меѓу другото, го намалува јазот меѓу добрите и лошите ученици.
Студиите од Шпанија и Норвешка дале слични резултати. Шпанските студенти ги подобриле резултатите по математика и природни науки откако ги исфрлиле мобилните телефони од училиштата, а научниците забележале и намалување на инциденцата на врсничко насилство.
Норвешките ученици почнале да добиваат значително подобри оценки по забраната за мобилни телефони, а децата од училиштата од кои биле исфрлени мобилните телефони се запишувале во поголем процент во средните училишта со 4 степен. Насилството меѓу врсниците исто така било во опаѓање.
Доказите од Белгија покажуваат дека забраната за употреба на мобилни телефони носи придобивки дури и за студентите.
Секоја технологија во наставата бара мултитаскинг
Истражувањата во САД претходно покажаа дека употребата на лаптопи во наставата го отежнува учењето, што особено лошо влијае на послабите ученици. Причините за негативното влијание на технологијата лежат во искушенијата што мултитаскингот (истовремено извршување на повеќе задачи) им ги поставува на нашите когнитивни капацитети. Бројни експерименти докажале дека употребата на мобилни телефони при извршување на други задачи го намалува успехот во извршувањето на тие задачи и го отежнува учењето. Чувањето белешки во компјутер е исто така помалку ефикасно од пишувањето со пенкало на хартија.
Рачното пишување белешки, претпоставуваат научниците, овозможува метеријалот да се запомни подобро отколку што е случај со дигиталните белешки. Пишувањето текст на тастатура е механичко дејство, додека при рачното пишување повеќе размислуваме како да го сумираме слушнатото, а со тоа усвојуваме и повеќе градиво.
