Опстипацијата или запекот кај децата е честа појава која во повеќето случаи не е причина за сериозна загриженост. Се јавува кога детето има многу тврда столица и врши нужда поретко од вообичаено. Станува збор за многу чест гастроинтестинален проблем кој се дефинира како помалку од три празнења на дебелото црево неделно.
Иако запекот се јавува речиси кај секое дете, доколку трае подолго време, предизвикува големи болки или се јавува со некои други симптоми како повраќање, треска или мачнина, потребно е да се побара помош од лекар
Иако бројот на празнења на дебелото црево може да биде различен за секое дете, ненадејната промена може да значи дека постои проблем. Исто така, опстипацијата постои и ако детето има проблеми со исфрлање на столицата која е тврда и голема или воопшто не успева да ја исфрли. Исто така, постојат неколку причини за запек кај децата. Некои вообичаени причини вклучуваат:
- неправилна исхрана богата со масти и сиромашна со растителни влакна,
- недоволна консумација на вода и други течности,
- недостаток на физичка активност,
- емоционални проблеми (стрес, анксиозност),
- проблеми со дигестивниот тракт,
- нарушувања на тироидната жлезда,
- земање одредени лекови.
Иако запекот се јавува речиси кај секое дете, доколку трае подолго време, предизвикува големи болки или се јавува со некои други симптоми како повраќање, треска или мачнина, потребно е да се побара помош од лекар.
