Ако вашето дете е на соодветна возраст, летото е идеално време да започнете со одвикнување од пелени. Повеќето деца се подготвени за одвикнување од пелени на околу 20 месеци, а девојчињата често се подготвени порано од момчињата. Постојат неколку показатели според кои можете да процените дали вашето дете е подготвено да се откаже од пелените.
Најпрво, проверете дали вашето дете воопшто е подготвено да престане да носи пелени и дали може да ги покаже своите потреби. Секогаш започнете со охрабрување и поддршка.
Ако детето одбива да ги остави пелените, вашиот притисок само ќе создаде напната атмосфера и ќе предизвика уште поголем отпор.
Детето е подготвено за одвикнување ако:
- има редовна столица,
- ве имитира кога одите во тоалет,
- сигнализира кога му се мочка или кога треба да изврши голема нужда,
- разбира едноставни инструкции,
- не сака да биде во мокра пелена,
- не е во фаза на силно спротивставување,
- нормално оди и седи,
- покажува желба за самостојност.
Без разлика дали ќе изберете нокширче или адаптер за веце школка, важно е да создадете рутина. Нокширот е добар избор бидејќи е прилагоден на телото на детето, но некои родители сметаат дека е попрактично детето веднаш да се навикнува на вистинскиот тоалет.
Наоружајте се со трпение и истрајност! Бидејќи децата полесно ги контролираат цревата отколку мочниот меур, добро е да се започне со големата нужда. Избегнувајте периоди од денот кога детето е поспано, нервозно или гладно. Не го присилувајте ако се плаши — направете пауза неколку дена и обидете се повторно.
На почетокот, дозволете му на детето само да одбере каде ќе го стави нокширчето. Но, тоа не значи да го ставите пред телевизорот — тогаш нокширот ќе стане сè освен место за извршување нужда. Кога ќе се навикне, префрлете го во бањата. Немојте да се лутите ако детето прави грешки и понекогаш направи неред. Негативната реакција може да доведе до опстипација (задржување на столицата), бидејќи детето ќе почне да се воздржува.
Без разлика дали ќе изберете нокширче или адаптер за веце школка, важно е да создадете рутина. Нокширот е добар избор бидејќи е прилагоден на телото на детето, но некои родители сметаат дека е попрактично детето веднаш да се навикнува на вистинскиот тоалет
Можеби детето одбива да седне на нокшир затоа што се плаши од него. Обидете се со друга форма, различни адаптери за веце школка или направете го одењето во тоалет забавно искуство. Понекогаш помага и ако му објасните на детето каде одат „каките“, дури и покажете му ги неговите „резултати“.
Хигиенски навики
Погрижете се детето секогаш да ги мие рацете после седење на нокшир. Направете го тоа забавно – децата сакаат да играат со вода. Ако изврши нужда во нокширот, наградете го со некоку минути плус игра со вода.
Доследност
Ова е златно правило во воспитувањето. Ако одите на пат, понесете детски адаптер за веце школка. Ако одите во шопинг – не ставајте му пелена. Пред да излезете, нека се обиде да изврши нужда. Вклучете ги и другите во процесот на одвикнување од пелени – информирајте ги бабите, воспитувачките, роднините, за да знаат што да очекуваат и како да реагираат.
Ако неколку ноќи по ред пелената остане сува, тоа е добар знак дека е подготвено и за ноќно одвикнување. Според некои податоци, од дневно до ноќно одвикнување може да поминат и до 6 месеци. Во секој случај, 3 до 5 последователно суви пелени се знак дека веќе не треба да му ги ставате
Ноќно одвикнување
Дури и кога детето е научено преку ден да користи нокширче, ноќното одвикнување е речиси посебен процес. Организмот на детето имено сè уште не е доволно развиен за да испраќа сигнали во текот на ноќта дека треба да оди во веце.
На почетокот:
- не давајте многу течности пред спиење,
- навикнете го да оди во веце пред спиење,
- некои родители оставаат нокшир до креветот.
Ако неколку ноќи по ред пелената остане сува, тоа е добар знак дека е подготвено и за ноќно одвикнување. Според некои податоци, од дневно до ноќно одвикнување може да поминат и до 6 месеци. Во секој случај, 3 до 5 последователно суви пелени се знак дека веќе не треба да му ги ставате.
Ако моментално се случува нешто необично во вашето семејство, почекајте со одвикнувањето додека не се смири ситуацијата. Дури и „добар стрес“ (како свадба, одмор, ново бебе) може да го вознемири детето исто како и посериозни ситуации (развод, смрт, преселба). Рутината и стабилноста му даваат чувство на сигурност и помагаат да се одвикне кога ќе биде спремно.
