Заштитни маски – најчести грешки: Колку долго штитат и кога треба да се фрлат маските за лице?

Медицинските маски смеат да се носат најмногу 3 часа, потоа треба да се фрлат и заменат, памучните маски треба да се извадат веднаш штом ќе се навлажнат, а пред повторно користење да се исперат на најмалку 60 степени или да се испеглаат на висока температура

Се уште има многу луѓе кои заштитната маска ја носат под носот, што е погрешно

По повеќемесечна борба со пандемијата COVID-19, експертите утврдиле дека маските се единственото нешто кое покрај избегнувањето контакт, може да ја намали можноста за пренесување на вирусот, па затоа нивната улога денеска е важна и неизбежна.

Придобивките од носењето заштитни маски ги потврдија бројни студии, особено во околности кога е невозможно да се одржи дистанца од најмалку 1,5 метри – на пример, кога се чека јавен превоз, на надворешни собири на голем број луѓе и слично.

Медицинските маски се производ за еднократна употреба и се носат додека не се навлажнат, максимум до 3 часа

Како најважно правило за носење, посочуваат стручњаците, кое за жал често се крши е дека маската треба да ги покрива и носот и устата (се уште многу луѓе ги носат под носот), а само лицата со одредени здравствени состојби, како и најмалите деца треба да бидат исклучени од нивно носење.

Памучните маски за лице во идеални услови треба да се перат на 95 степени после едно носење, а најмалку на 60 степени, и да се исушат темелно
  • Неопходно е и понатаму да се придржувате до сите пропишани мерки, па дури и кога носите маска за лице, потребно е да се одржува растојание помеѓу луѓето од најмалку 1,5 метри;
  • При ставање треба да се внимава внатрешноста на маската секогаш да биде припиена до лицето;
  • Една маска ја носи само една личност, носените маски не смеат да се споделуваат со други;
  • Пред прва употреба на памучната маска, препорачливо е да ја исперете или барем да ја испеглате;
  • Пред и по ставање на маската рацете треба темелно да ги измиете со сапун;
  • Маската треба да ги покрие устата, носот и дел од лицето, а на работ да се припие што е можно поцврсто за да се намали протокот на воздух надвор од маската;
  • На надворешната страна на маската потенцијално може да се најде вирус. За да се спречи контаминација на рацете, треба да се избегнува допирање на надворешната страна;
Едноставно е, но многу луѓе се уште грешат и ја носат под носот. Запоменете – маската треба да ги покрива и носот и устата
  • Кога ја користите прв пат, проверете дали маската пропушта доволно воздух и не го отежнува нормалното дишење;
  • Навлажнетата маска за лице треба да се извади и да се замени со нова, сува маска. Памучните маски за лице во идеални услови треба да се перат на 95 степени после едно носење, а најмалку на 60 степени, и да се исушат темелно. Медицинските маски се производ за еднократна употреба и се носат додека не се навлажнат, максимум до 3 часа;
  • По отстранувањето маската за лице треба да се стави во ќесичка или слично и добро да се затвори или веднаш да се испере. Не се препорачува маската за лице да се држи затворена подолго време по носењето.

ПОВРЗАНИ НАПИСИПОВЕЌЕ ОД АВТОРОТ