„Колку му е топло или студено на бебето, не оценуваме проверувајќи дали му се студени рацете или нозете. Наместо тоа, прстите ставете ги под вратот на бебето„, вели д-р Ивон Густафсон, стручњак за родителство.
- Доколку вратот на бебето е топол и влажен, тоа значи дека му е претопло. Во спротивно, ако е студен, треба да го затоплите бебето.
Според советите на стручњаците, на бебето е потребно да му облечете еден слој повеќе отколку што вие сте облечени. Многу родители често прават грешка бидејќи детето премногу го облекуваат и затоплуваат.
За бебето во неговата прва зима и студеното време, најпотребно е да обезбедите да му е доволно топло. Меѓутоа, постојат вистински и погрешни начини за тоа, истакнуваат експертите за родителство.
Некои предупредувачките знаци може да бидат студени или црвени раце кај бебињата, вклучувајќи тресење, бледи или црвени стапала и модри усни.
- Поставување на дополнително ќебе преку седиштето за автомобил не е лоша идеја, се додека тоа не го загрозува протокот на воздух, вели Густафсон.
Исто така се препорачува изолација на количката за да се намали протокот на студ до бебето. Тоа може да го направите така што под бебето ќе ставите парче стиропор.
Кожата кај бебињата е склона на пукање и сушење во зимските месеци, така да се препорачува редовно мачкање со лосион или хидратантни креми.
Прошетка на студен воздух со бебето не треба да се избегнува. Дури и кога бебето е настинато, студениот воздух може да му помогне во намалување на отоците на слузницата. Меѓутоа, важно е да се води сметка, облеката на бебето да биде прилагодена според временските услови, бидејќи бебињата не може да ја задржуваат температурата како возрасните.
