Со оглед дека оваа болест прв е опишана 1987 година, лекарите долго време не умееле да ја препознаат и влегувале во круг на препишување антибиотици, исчезнување на симптомите и нивна повторна појава.
Карактеристични симптоми се:
- Зголемена телесна температура
- Воспаление на грлото
- Зголемени жлезди на вратот
- Афти во устата (кои може и да не се појават)
Болеста не е заразна и не се пренесува од лице на лице. Инфекциите може да бидат тригер за повторна појава на епизода на болеста.
Епизодите на зголемена температура и грозница почнуваат одеднаш и траат три до шест дена. Во тој период, детето изгледа многу болно и ги има сите или повеќето симптоми. Тегобите периодично се повторуваат. Помеѓу епизодите, детето е добро и нормално активно. Некои деца може да имаат блага форма на болеста, додека други може да имаат и дополнителни симптоми како што се слабост, болки во зглобовите, болки во стомакот, главоболка, повраќање и дијареа.
КРВНА СЛИКА: Очигледни знаци на воспалние, зголемено ниво на леукоцити и ЦРП. Според некои автори, важен параметарот е и намален Прокалцитонин.
Интервалите на појавување на симптомите се неправилни. Почести се декрешендо тип ( се продолжуваат), а има и т.н. Clockwise појава – на точно одреден период.
Според педијатрите, синдромот е најчест кај деца од предучилишна возраст, односно од две до пет години. Детето помеѓу периодите на болеста е здраво, без тегоби, нормално расте и се развива. Тегобите траат 3-6 дена и се повторуваат во точно одреден период помеѓу 3 и 6 недели.
