Ако постои една работа која ја прават сите бебиња, тогаш тоа е плачењето. Причините поради кои плачат и зачестеноста на плачењето може да се разликуваат, но сите родители ќе се сложат дека во првите неколку месеци од животот на бебето потребно е многу трпение, мудрост и поддршка.
На некои родители не им треба многу да сфатат во кои ситуации и поради што нивните бебиња плачат, но на многумина им се чини дека таа фаза никогаш нема да помине.
Стручњаците ја нарекуваат “purple crying” фаза, односно фаза на виолетов плач. Со децении многу родители верувале дека грчевите се еден од главните причинители на постојаното и неутешно плачење кај бебето. Сепак, не треба да се заборави дека бебињата со грчеви обично се здрави бебиња кои упорно плачат и по три часа без престан, и тоа пред тертата недела од животот.
Неодамнешни студии покажале дека трајни епизоди на плачење пред петиот месец од животот на бебето, не мора нужно да нзачат дека нешто не е во ред со вашето дете. Оваа фаза е нормална и очекувана во текот на развојот на детето.
Стручњаците објасниле што значат почетните букви на зборот PURPLE:
P (peak of crying) – Врз на плачењето се случува за време на вториот месец, а потоа се намалува околу третиот до петиот месец
U (unexpected) – Плачот е неочекуван и непредвидлив
R (resist soothing) – Дури и по смирување на бебето, тоа продолжува да плаче
P (pain like face) – Во “виолетовата“ фаза детето може да изгледа како нешто да го боли
L (long lasting) –Епизодите на плачење може да траат од 30 до 40 минути, без престан и да се повторат и по неколку часа.
E (evening) – Плачењето во вечерните или доцните попладневни часови може да ви се чини најдолго.
