Со најдобри намери, на бебето да му биде студено или да не настине, родителите, дури и во топлите пролетни и летни месеци имаат потреба да му “префрлат“ на детето нешто преку грбот или стомакот, да му облечат чорапи, да му облечат маичка со долги ракави или да му стават памучна капа при појава на ветер.
Она за што не размислуваат е дека претоплувањето на телото на детето е исто толку опасно, колку и настинка. Прегреаното тело претставува опасност по детското здравје, а кога се во прашање новороденчињата, Американското здружение на педијатри, претоплувањето го поврзува и со синдромот на изненадна смрт кај доенчиња.
“Децата кои се ’премногу’ облечени изложени се на ризик од дехидратација, односно губење на течности во организмот. Тоа може да има негативни последици по работата на бубрезите, а во екстремни случаи, се случува да доведе и до трагични последици. Наглото загревање на организмот ја зголемува и количината на штетни супстанци во крвта, а тоа исто така може негативно да се одрази на организмот“, вели проф. Рахми Орс од Медицинскиот факултет Неџметин Ербакан во Турција.
Знаци со кои вашето бебе „ви кажува“ дека му е многу топло:
- Ако главата и вратот се влажни, тоа е знак дека се поти и дека на бебето му е премногу жешко.
- Ако лицето на детето е поцрвено од вообичаено или се појавува осип.
- Слушајте го детето како дише. Брзото дишење е симптом на прегревање.
- Ставете ја раката на градите на детето, ако тие се жешки, тоа е уште еден знак.
- Ако детето не може да спие и е немирно, може да му е премногу топло.
