Подготовката за породувањето подразбира физичка подготовка, но и подготовка на се што на родилката ќе и биде потребно додека е во болница. Меѓу најважните правила е дека трудницата не смее да дојде на породување со налакирани нокти.
Зошто е “забрането“ да се има налакирани нокти на породување?
Дали е во прашање естетика или болнички правила или нешто трето?
Правилото дека ноктите не смеат да бидат налакирани кога трудницата ќе отиде на породување е поврзано исклучиво за нејзината безбедност и здравствена состојба. Имено, преку ноктите може да се видат многу работи – кога се во прашање промените во здравствената состојба или симптоми на некој посериозен здравствен проблем.
Што може да се види на ноктите?
Здравјето и изгледот, како и квалитетот на ноктите, можат да покажат многу повеќе отколку што мислиме. Меките, кршливи и лесно кршливи нокти покажуваат дека на организмот му недостасуваат железо и цинк, но и витамини Б, А и Ц.
Исто така и други промени на ноктите јасно може да укажат на здравствен проблем – што во некои случаи може да биде многу важно да се реагира навреме и на соодветен начин.
Промените на ноктите кои може да се забележат при породувањето се важни за лекарите навреме да ги откријат можните компликации. Кога ноктите на родилката се безбојни и природно розови – се е во ред, но ако дојде до промена на бојата и тие станат бели, а подоцна и сини – тоа укажува на недостаток на кислород во организмот, што е многу опасно за време на породувањето.
Токму затоа е важно ноктите на родилките да не бидат лакирани, за навреме да се открие таков проблем – а ноктите најбрзо и најјасно ќе го покажат тоа.
