Железото е многу важен нутритиент за развојот на бебињата, иако почесто се зборува за неговиот недостаток кај возрасните. Клучен е за правилно функционирање на нашиот организам, а неговиот недостаток се поврзува со тешкотии во неврокогнитивниот развој.
Во текот на бременоста, бебето го добива овој важен нутритиент од крвотокот на мајката, а во последниот триместар од бременоста успева да создаде резерви за првите четири месеци од животот. После тоа, дефинитивно треба да внимавате на нивото на железо во крвта, бидејќи се до воведувањето на цврста храна, околу шестмесечна возраст, железото не може да се надомести преку храна, туку преку доење или земање формула со додадено железо. Ако и тоа не е доволно, треба да се консултирате со педијатар.
Млечните производи ја отежнуваат апсорпцијата на железото од храната, па затоа се препорачува млечните оброци да се одделат од цврстата храна и помеѓу нив да има растојание од најмалку 2 часа
Железо во храната
По воведувањето на дохрана, идеално е да се задоволат дневните потреби за железо (7 mg/ден) преку храната, а не додатоци во исхраната. Храната богата со железо вклучува месо, мешунки и житарки, а треба да се запомни дека е важно да се внесува и доволно витамин Ц, кој е пресуден за успешна апсорпција на железото во организмот.
Притоа треба да се има предвид дека апсорпцијата на железо во организмот е многу полесна од месото, отколку преку растителните извори на железо. Исто така, млечните производи ја отежнуваат апсорпцијата на железото од храната, па затоа се препорачува млечните оброци да се одделат од цврстата храна и помеѓу нив да има растојание од најмалку 2 часа.
