Многу популарна дисциплинска метода кај голем број родители е испраќање на детето во неговата соба. Сепак, дали сте се запрашле колку е ова ефиксано?
Едукацискиот психолог д-р Ијан Оперман, објаснува дека оваа метода не му покажува на детето во што греши, а покажува и дека не сте конкретни во поглед на дисциплинирањето.
“Детската соба е преполна со работи кои му држат внимание, па многу често детето заборава дека е казнето и што згрешило„.
Тој објаснува дека попуштањето (прави што сакаш), зборувањето да размисли за своите постапки (а, тоа и не знае што погрешно направило), терањето да се извини (кога искрено не му е жал или пак не го разбира значењето на тие зборови), зборување “не“ на се (наместо објаснување зошто одговорот е таков), исто така не се корисни методи на дисциплина.
Значи, ако овие мерки не функционираат, се прашувате што ќе функционира?
СМИРЕТЕ СЕ И ИЗБЕГНУВАЈТЕ ПРЕМНОГУ ЕМОЦИИ
Треба да му разјасните на детето што направило, зошто е тоа погрешно и зошто го казнувате. Тоа нека биде кратко и целно. Исто така, научете да поставите одредени очекувања од детето, објаснете му што сакате од него и оставте го да сфати дека ќе има последици од неговото однесување.
НЕКА БИДЕ ЈАСНО КОЈА КАЗНА ЈА ПРИМЕНУВАТЕ
“Оди во својата соба“, може да значи оди и играј си или гледај телевизија колку сакаш. Наместо тоа, кажете му на деттео која казна ќе ја добие, колку таа ќе трае и што се очекува.
БИДЕТЕ ДОСЛЕДНИ И УПОРНИ СО ДИСЦИПЛИНАТА
Доколку го казнувате детето за нешто што повторно прави лошо, мора повторно да биде казнето, без разлика на околностите.
