Со секојдневно консумирање на лубеница, на организмот му обезбедуваме изобилство на витамините А, Ц, Б1 и Б6, како и на минералите калиум и магнезиум. Поради ова може да се каже дека поседува висока нутритивна вредност, оти не го оптеретува организмот со непотребни калории, а истовремено му обезбедува на телото важни хранливи материи.
Растителниот пигмент – ликопен, кој ја дава црвената боја, главно се поврзува со доматот. Познато е дека е растворлив во масти и поради тоа телото подобро го апсорбира кога се консумира во форма на сос од домати. Но, помалку е познато дека ликопен содржи и лубеницата и мангото.
За ликопенот е докажано дека има заштитна улога во организмот која се огледува во превенцијата од појава на некои видови на карцином, како што е рак на простата, дојка, дебело црево и бели дробови.
Лубеницата и нејзиниот моќен ликопен силно не штитат и од лоша дигестија, внатрешни инфекции, акни и вишок килограми.
