Бебето треба да се капе секој ден
Бебињата не се потат како возрасните и немаат непријатен мирис, така што ним им е потребно капење на секои два или три дена. Сепак, ако тоа е дел од вашата секојдневна рутина, не заборавајте да ја хидрирате кожата на бебето со соодветни препарати.
Бебето најдобро спие во соба која е тивка и замрачена
Додека некои деца, навистина имаат лесен сон, на останатите не им пречи тивок џагор во позадина и малку светлина. Доколку го навикнете бебето да спие во соба во која не владее апсолутна тишина, тоа ќе биде голем плус за вас, оти ќе можете да го ставите да оддреме во различни ситуации.
Зголемената телесна температура кај бебето треба да се намали со помош на алкохол
Втривањето алкохол во кожата на бебето, нема навистина да ја намали зголемената температура. Исто така, ова е и опасна метода, бидејќи кожата на бебето може да го апсорбира алкохолот.
Бебето не треба да зема во раце кога плаче, за да не се размази
Бебињата помали од четири месеци имаат неколку самосмирувачки стратегии. Децата знаат да се смират со цицање, а со земање во прегратка кога плачат, ќе им помогнете да научат дека секогаш ќе се грижити за нив.
На бебето треба навечер да му се менуваат мокрите пелени
Урината е стерилна, а пелените денес добро впиваат, така што е во ред да се остави бебето во влажна пелена во текот на ноќта. Но, ако бебето предолго се остави во „искакана„ пелена, тоа може да предизвика инфекција на уринарниот тракт или меур, особено кај девојчињата, па ако ја “намирисате“ пелената, сменете ја.
Од клучна важност е секојдневното стерилизирање на сите шишенца и цуцли
Стерилизирајте ги шишенцата и цуцлите кога прв пат ќе ги купите, но после тоа сосема е доволно да се мијат со вода и сапун. Бебињата многу повеќе се изложени на бактерии во околината, отколку на оние кои остануваат во убаво измиените шишенца и цуцли.
Бебето треба да спие на стомак
Нејбезбедена положба за спиење на бебето е на грб. Во минатото, лекарите стравувале дека бебињата може да се задават од малку плунка ако не лежат на стомак или на страна, но денешните студии покажале многу поинакви мислења.
Додавањето житарки во млекото ќе го продолжи бебешкиот сон
Одложете го воведувањето на цврста храна до навршени шест месеци. Истажувањата покажуваат дека децата на кои им е воведна цврста храна пред четвртиот месец, потешко спијат. Исто така, студиите ги довеле во врска раното воведување на цврста храна и обезноста подоцна во животот.
Важно е да се храни бебето по строго одреден распоред на исхрана
Најдобро е бебето да се храни кога тоа сака, бидејќи неговите внатрешни знаци му кажуваат кога е гладно, а кога е сито. Со поставувањето на распоред на исхрана, може негативно да влијаете на вродените навики на вашето бебе.
На децата им се потребни чевли со тврд ѓон
Бебињата ги користат прстите за фаќање на површините по кои одат, па се препорачува да одат боси во затворен простор. За прстињата да остант безбедни надвор, подобро е да се набават чевли кои добро се прилепуваат за табаните. Притоа, чевлите со тежок и тврд ѓон може да бидат претесни и неудобни.
