Првите парчиња храна можете да му ги понудите на бебето во моментот кога може да седне без помош и кога може да стави парчиња храна во устата. Ова се двете основни правила кои педијатрите советуваат да ги почитувате при почетокот на исхраната на бебето со цврста храна. Освен тоа, првите парчиња храна мора да бидат меки, лесни за голтање и мора да се исечат на мали парчиња. Едноставно кажано, тие мора да се стопат во устата без да ги користење на забите.
Банана
Исечете ја на парчиња и понудете му ги на бебето. Бананата е секогаш на прво место поради својата хранливост и мекост.
Парчиња авокадо
Слично како бананата, но треба да се исече на помали парчиња.
Омлет
Проверено, едно од омилените јадења на децата од сите возрасти е меѓу најдобрата храна за почеток на хранење со цврста храна.
Варен грашок
Добро сварениот грашок едноставно го обожаваат малите деца, па и бебињата.
Сечкани парчиња варено пилешко
Парчињата пилешко ќе имаат интересен вкус за децата, затоа внимавајте да биде добро сварено и меко.
Полжавчиња и слични видови варени тестенини
Ако одбиваат друга храна, тестенините како полжави сигурно ќе го најдат патот до стомакот на вашето бебе.
Варени парчиња морков
Добро сварениот морков извадете го од супата и исечете го на парчиња. Децата ќе уживаат во него.
Мали парчиња тортиља
Практично јадење за дома, но и за време на прошетки, возење …
Парчиња исчистена риба
Бела или сина риба, главно е да е исчистена и мека.
Парчиња варен компир
Исечете го варениот компир и понудете му на бебето. Сигурно ќе ужива во мекото и вкусно јадење.
