Крајот на годината е време кога бројиме резултати, цртаме линии под нив, размислуваме, промислуваме и се подготвуваме за следната година. Гледаме наназад кон годината што изминува… Некои работи ги забораваме, некои ќе ги памтиме, а некои сакаме да ги запишеме. Најчесто тоа се нашите мисли, наши планови, наши чувства. Но постојат и оние уште повредни – децините.
Понекогаш децата сами ни кажуваат што мислат, како се чувствуваат, за што размислуваат. Понекогаш тие нивни зборови нè изненадуваат, оставаат без зборови, ни го полнат срцето со радост. И тоа без да ги прашаме што сакаат да ни кажат.
А понекогаш е добро целно да им поставиме прашања што би можеле да ни дадат увид во нивните чувства: што правиме добро, што можеме да поправиме, како ја доживеаaа минатата година и како би сакале да изгледа следната.
На профилот на психологот Хана Ганум пронајдовме 10 прашања што можете да му ги поставите на вашето дете на крајот на годината – и идејата ни се допадна! Сигурни сме дека ќе биде забавно да се запишат одговорите, но дури и ако само ги слушнете, тие остануваат во сеќавањето.
„Размислувањето на крајот на годината не мора да биде длабоко, тешко или совршено временски наменето“, стои во описот на објавата. „Понекогаш тоа е мирен момент пред спиење. Возење со автомобил. Разговор што полека тече. Целта тука не е да се добијат „точни“ одговори. Станува збор за слушање. За тоа да му дозволите на вашето дете да се чувствува видено во својата радост, својот раст, па дури и во своите тажни моменти. А кога и вие ќе ги споделите вашите одговори, им покажувате дека размислувањето е нешто што го вежбаме заедно, а не нешто што се прави само.“
Еве ги 10-те прашања што можете да му ги поставите на вашето дете:
- Кое е твоето омилено сеќавање од оваа година?
- Што ново научи оваа година?
- Поради кого се чувствуваше среќно и сакано оваа година?
- Книга, приказна или филм од оваа година што ти е омилен?
- На што си горд/горда?
- Ако можеше да направиш една работа повторно оваа година, која би била таа?
- Што ти беше најтешко оваа година?
- Поради што си возбуден/возбудена за следната година?
- Со кого би сакал/сакала да поминеш повеќе време следната година?
- Ако можеше да се заблагодариш на некого, кој би бил тоа и зошто?
