Додека првата и втората бременост не се нужно медицински различни, некои разлики сепак постојат. Самите мајки го знаат тоа, па често ги споредуваат деновите и неделите во кои за прв пат имале „стомаче“ и оние во кои по втор пат очекувале мало среќиче.
Притоа не се мисли само на развојот на самата бременост, туку и на искуството на мајката. Затоа една мајка се досетила да напише симпатична листа од десет работи што се промениле во тие периоди.
- Во првата бременост точно знаеш во која недела си и во секој момент знаеш на кое овошје личи твоето неродено бебе.
Во втората се прашуваш воопшто во кој триместар си.
- За време на првата бременост избегнуваш алкохол, кофеин и сите други состојки кои не се препорачуваат за трудници.
Во втората, едвај чекаш двојно еспресо.
- Прва бременост: “Прекрасно! Почнувам да ми се гледа стомачето!”
Втора бременост: “Уф. Почнува да ми се гледа стомакот. А само сум во првата недела.
- За време на првата бременост, пред спиење пушташ тивка класична музика со надеж дека ќе родиш полиглот генијалец со коефициент на интелигенција од најмалку 150.
За време на втората бременост, само сакаш да легнеш да спиеш, бидејќи првото дете веќе доволно те изморило. Освен тоа, нема ништо лошо во просечната интелигенција.
- Во првата бременост ги чувствуваш движењата на бебето околу 20-тата недела.
Во втората, почнуваш да ги чувствуваш околу 12-та недела. Дали знаете зошто? За време на втората бременост, вашите мускули не се толку цврсти, па можеш полесно да ги почувствуваш. Прекрасно, нели?
- Прва бременост: Ти: “Знаете што? Јас сум бремена!” Семејството и пријателите: “Одлично! Тоа е најдобрата вест досега!”
Втора бременост: Ти: “Знаете што? Бремена сум!” Семејството и пријателите: “Ох, дали го планиравте тоа?”
- Во првата бременост купуваш куп трудничка облека за да го истакнеш стомакот.
Во втората живееш во тренерки.
- Во текот на првата бременост се надминувате себеси во уредувањето на собата на бебето. Секој детал е внимателно ускладен и секој агол зрачи со хармонија.
Во втората бременост: “Како ќе правиме со бебето? Овој агол може да послужи”.
- Прва бременост: Секој ден се мачкаш со путер од какао за да избегнеш стрии.
Во втората бременост само сакаш што побрзо да се облечеш за да не ги гледаш стриите од првата.
- Прва бременост: Со другарките подготвуваш прекрасно и забавно дружење за бебето.
Втора бременост: Среќна си ако воопшто стигнеш да се слушнеш со другарките.
