Никнувањето на запчиња е индивидуално, некои бебиња ќе ги добијат со пет месеци, а некои со девет. Ако вашето бебе веќе започнало со дохрана, ви предлагаме неколку намирници кои може да ги јаде и без заби. Она што е најважно е зеленчукот и овошјето секогаш да бидат претходно добро сварени. Секако, постојат и некои намирници кои се меки сами по себе, како што се праските, крушите или лубениците, но сите тие се дел од летното овошје, кое е одлично за почеток со дохрана. Сепак, летото е далеку, па затоа ви предлагаме намирници кои бебињата можат да ги јадат во овој период од годината.
Намирници кои бебињата може да ги јадат и без заби:
- Мали парчиња зрела банана
- Манго
- Авокадо
- Круша
- Добро сварени спирални тестенини
- Тенки стапчиња кашкавал
- Варен морков
- Варен грашок
- Варена тиквица
- Варен компир
- Варено јаболко
- Варен батат (сладок компир)
- Варена тиква
- Варена брокула
- Варен карфиол
