На повеќето родители им е добро познат детскиот напад на бес, кога детето себез никаква, нам видлива причина се фрла на под, вреска, удира со нозе или раце во подот и слично.
Во таа ситуација, мајките и татковците често губат нерви и луто викаат „оди во својата соба“ или нешто слично, а психолозите откриваат кои фрази никогаш не треба да ги кажувате во овие моменти и може да ја влошатвознемиреноста на детето.
1. Што се случи/Што не е во ред?
Во моментот кога детето е вознемирено, плаче, вреска, нема ефект да го прашате што не е во ред. Имено, детето не може да одговори на тоа прашање бидејќи да може, не би било хистерично.
Кога детето има тантруми, тоа не го контролира во тој момент, ниту е подготвено и способно да ги анализира своите мисли, чувства и состојба.
Наместо да барате причини за неговиот бес, во овој момент подобро е да се обидете да го смирите. Кажете му, на пример, дека гледате дека му е тешко во тој момент, понудете му помош и прегрнете го за да го утешите.
2. Оди во соба додека не се смириш
Постојат неколку варијации на оваа фраза што родителите често ја кажуваат, но поентата е секогаш иста – во соба се испраќа вознемирено дете.
Она што треба да го имате на ум е дека малите деца сè уште учат да се справуваат со своите емоции. Затоа не е добра опција да го испратите детето во соба да се справи самостојно со емоциите, туку треба да бидете до него и да разговарате за неговите чувства и емоции.
Објаснете му дека секој понекогаш може да биде вознемирено, прегрнете го и нежно разговарајте со него.
3. Се е во ред
Во желбата да смират расплакано и вознемирено дете, родителите понекогаш го убедуваат детето дека „се е во ред“ и дека нема потреба да плаче.
Меѓутоа, кога ќе кажете дека се е во ред, изгледа како да ги потценувате чувствата на детето, неговата болка и разочарување. Исто така, може да се чувствува виновно за тоа.
Наместо тоа, подобро е да го прашате вознемиреното дете: „Изгледаш вознемирено, дали си добро?“ На овој начин ќе му кажете дека е во ред да дојде кај вас и кога е тажно и кога е среќно.
